न्यूझीलंडची दिग्गज क्रिकेटपटू एमी सॅदरवेट आंतरराष्ट्रीय क्रिकेटमधून निवृत्त!

🕒 1 min read

मुंबई : न्यूझीलंड महिला संघाची क्रिकेटपटू एमी सॅदरवेटने आंतरराष्ट्रीय क्रिकेटमधून निवृत्ती घेतली आहे. तिचा २०२२-२३ हंगामासाठी केंद्रीय करारात समावेश करण्यात आला नाही. यानंतर तिने आता निवृत्तीची घोषणा केली आहे. न्यूझीलंडकडून सर्वाधिक सामने खेळणारी एमी सॅदरवेट ही महिला क्रिकेटपटू आहे.

सॅदरवेटने २००७ मध्ये ऑस्ट्रेलियाविरुद्धच्या टी-२० सामन्यातून आंतरराष्ट्रीय क्रिकेटमध्ये पदार्पण केले. दोन दिवसांनंतर, तिने ऑस्ट्रेलियाविरुद्ध वनडे पदार्पणही केले. पदार्पणाच्या एकदिवसीय सामन्यात ती शून्यावर बाद झाली. असे असले तरी तिची कारकीर्द खूपच नेत्रदीपक होती. एमी सेदरवेटने १४५ एकदिवसीय सामन्यांमध्ये ३८.३३ च्या सरासरीने आणि ७५.४४च्या स्ट्राइक रेटने ४६३९ धावा केल्या. तिने या फॉरमॅटमध्ये एकूण सात शतके झळकावली, त्यापैकी तिने सलग चार शतके झळकावली. याशिवाय एकदिवसीय क्रिकेटमध्ये तिच्या नावावर ५० विकेट्सची नोंद आहे.

Batter, bowler, leader, legend ????

???? An icon of New Zealand cricket
???? An ambassador for women's cricket

Happy retirement, Amy Satterthwaite ✨ pic.twitter.com/kh1tO1rHQB

— ESPNcricinfo (@ESPNcricinfo) May 26, 2022

टी-२० कारकिर्दीत तिने या फॉरमॅटमध्ये १११ सामन्यांमध्ये २१.४९च्या सरासरीने १७८४ धावा केल्या. तिने टी-२० इंटरनॅशनलमध्‍ये गोलंदाजीचा मोठा विक्रमही केला. एमी सेदरवेटने इंग्लंडविरुद्धच्या सामन्यात अवघ्या १७ धावांत ६ विकेट घेतल्या होत्या. या फॉरमॅटमध्ये न्यूझीलंडच्या कोणत्याही खेळाडूची ही सर्वोत्तम गोलंदाजी आहे.

महत्त्वाच्या बातम्या –