🕒 1 min read
मुंबई : गेल्या वर्षी सप्टेंबरमध्ये न्यूझीलंड संघाने पाकिस्तान दौरा रद्द केल्याने पाकिस्तान क्रिकेट बोर्डाला (PCB ) मोठा धक्का बसला होता. न्यूझीलंडने मर्यादित षटकांच्या मालिकेसाठी पाकिस्तानचा दौरा केला, परंतु पहिला एकदिवसीय सामना सुरू होण्याच्या काही तास आधी दौरा रद्द करण्याचा निर्णय घेतला. आता पीसीबीला किवी बोर्डाकडून नुकसान भरपाई मिळाली आहे.
सुरक्षेच्या धोक्यामुळे न्यूझीलंडने त्यांचा दौरा रद्द केला होता आणि त्यामुळे पाकिस्तान बोर्डाचे बरेच नुकसान झाले होते. आता हा पराभव न्यूझीलंडने भरून काढला आहे. मात्र, नुकसान भरून काढण्यासाठी किती रक्कम दिली, हे कोणत्याही मंडळाकडून सांगण्यात आलेले नाही. पाकिस्तानला आर्थिक नुकसानीची भरपाई मिळाली आहे, ज्यामध्ये हॉटेल बुकिंग, सुरक्षा, विपणन, प्रसारण आणि इतर गोष्टींमुळे झालेल्या नुकसानीचा समावेश आहे.
न्यूझीलंडचा संघ या वर्षाच्या अखेरीस पाकिस्तान दौऱ्यावर जाणार आहे. तीन सामन्यांच्या मालिकेसाठी डिसेंबर २०२२ ते जानेवारी २०२३ या कालावधीत होणाऱ्या या दौऱ्यात दोन सामन्यांची कसोटी मालिकाही खेळवली जाईल. याशिवाय एप्रिल २०२३ मध्ये उभय देशांदरम्यान पाच सामन्यांची एकदिवसीय आणि पाच सामन्यांची टी-२० आंतरराष्ट्रीय मालिकाही खेळवली जाणार आहे.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
