आ.लहामटे यांच्याविरुद्ध दाखल झालेल्या गुन्ह्याच्या निषेधार्थ राष्ट्रवादीचा मूक मोर्चा!

🕒 1 min read

अहमदनगर/ऋषिकेश घोगरे:- अकोले विधानसभा मतदारसंघाचे राष्ट्रवादी काँग्रेस पार्टीचे आमदार डॉ.किरण लहामटे यांच्या विरोधात खडकी बुद्रुक येथील एका व्यक्तीला मारहाण केल्याप्रकरणी राजूर पोलीस ठाण्यात अदखलपात्र गुन्हा दाखल करण्यात आला आहे. राष्ट्रवादी काँग्रेसचे आ.किरण लहामटे यांना बदनाम करण्याचा विरोधकांचा डाव असून असे कोणतेही षडयंत्र खपवून घेतले जाणार नाही.

असा इशारा राष्ट्रवादी काँग्रेस पार्टीचे ज्येष्ठ नेते संपतराव नाईकवाडी यांनी दिला आहे. या गुन्ह्याच्या निषेधार्थ काल अकोले शहरातून राष्ट्रवादी काँग्रेस पक्षाच्यावतीने तहसील कार्यालयावर मूक मोर्चा काढण्यात आला. यावेळी तालुक्यातील अनेक राष्ट्रवादी काँग्रेस पक्षाचे युवक कार्यकर्ते या मूक मोर्चात सहभागी झाले होते.

अकोले तालुक्यातील खडकी बुद्रुक येथील ग्रामपंचायतीचे शिपाई रामदास लखा बांडे यांना दमदाटी, मारहाण केल्याप्रकरणी राजूर पोलीस ठाण्यात आ.लहामटे यांच्यावर अदखलपात्र गुन्हा दाखल करण्यात आला आहे. या संदर्भात गेल्या दोन दिवसांपासून सोशल मीडियावर सत्ताधारी व विरोधी कार्यकर्त्यांमध्ये चांगलीच जुगलबंदी सुरू होती. त्यामुळे काल या गुन्ह्याच्या निषेधार्थ राष्ट्रवादी काँग्रेस पार्टीच्या वतीने तहसील कार्यालयावर मूक मोर्चा काढण्यात आला.

यावेळी संपतराव नायकावडी, सुरेशराव गडाख, पोपटराव दराडे, मारुती भांगरे, चंद्रभान नवले, विजय देशमुख, ईश्वर वाकचौरे, संदीप शेणकर, महेशराव वैद्य, अण्णा ढगे, संतोष परते, महिला अध्यक्ष स्वातीताई शेणकर, ज्येष्ठ नेते अरुण रूपवते, किसान सेल युवक अध्यक्ष जालिंदर बोडके, रामनाथ शिंदे, संकेत चौधरी यांच्यासह तालुक्यातील राष्ट्रवादी काँग्रेस पार्टीचे अनेक कार्यकर्ते उपस्थित होते.

महत्वाच्या बातम्या :-

• ‘शिवसेना, राष्ट्रवादीने पक्षीय राजकारणापलीकडे जाऊन कृषी विधेयकाला विरोध करावा’
• मला देखील निवडणूक आयोगाची नोटीस : शरद पवारांचा मोठा खुलासा
• मोठी बातमी: शरद पवार देखील करणार अन्नत्याग!
• शेतकरी विरोधी विधेयक रद्द करावं, शरद पवारांनी स्पष्ट केली भूमिका
• कृषी विधेयकावरून राज्यसभेत झालेल्या गदारोळाचे पवारांनी केले खंडन, म्हणाले…