पुणे : राष्ट्रवादी कॉंग्रेसचे पुणे शहराध्यक्ष चेतन तुपे यांनी राजीनामा दिला आहे. ऑगस्ट २०१८ पासून ते शहराध्यक्ष पदाची धुरा सांभाळत होते. २०१९च्या विधानसभा निवडणुकीत हडपसर मतदारसंघातून निवडून आल्यानंतर चेतन तुपे यांनी राजीनामा देत अन्य व्यक्तीला कामात संधी मिळावी अशी मागणी पक्षाकडे केली होती. मात्र त्यानंतर दिड वर्ष हा निर्णय लांबणीवर पडला होता.
पुण्यात राष्ट्रवादीची ताकद असताना २०१७ मध्ये मोदी लाटेत भाजपने मोठा विजय मिळवत राष्ट्रवादीच्या सत्तेला सुरुंग लावला होता. आता पुणे महापालिका निवडणूक तोंडावर आली असताना पुन्हा एकदा पुण्याचे कारभारी होण्यासाठी राष्ट्रवादी कॉंग्रेसने आपली ताकद पणाल लावली आहे. त्यासाठी त्यांनी पक्षात काही संघटनात्मक बदल करण्याचा निर्णय घेतल्याचे बोलले जात आहे.
मी आज राष्ट्रवादी काँग्रेस पक्षाचे प्रदेशाध्यक्ष @Jayant_R_Patil साहेब यांना मला माझ्या विधानसभा मतदारसंघांमध्ये अधीकच काम करता यावं यासाठी पुणे शहराच्या अध्यक्षपदाचे जबाबदारीतून मुक्त करावं अशी विनंती केलेली आहे माझ्या जागी ही जबाबदारी दुसऱ्या व्यक्तीला द्यावी अशी मागणी केली आहे pic.twitter.com/CMOLe0O9bQ
— Chetan Vitthal Tupe (@ChetanVTupe) April 30, 2021
२०१७ साली पालिकेच्या निवडणुकीनंतर सत्तेत असलेला राष्ट्रवादी पक्ष विरोधी बाकांवर बसला. गेल्या पाच वर्षात भाजपाला प्रकल्प आणि विकासमकामे पूर्ण करण्यात आलेले अपयश पाहता राष्ट्रवादीला पुन्हा सत्तेत येण्याची संधी असल्याचे मत राजकीय तज्ञांनी व्यक्त केले आहे. शहराध्यक्ष बदलण्यात आल्यानंतर संघटनात्मक पातळीवर महत्वाचे बदल केले जाण्याची शक्यता आहे. महापालिका निवडणुकीच्या पार्श्वभूमीवर पक्षाला पुन्हा उभारी देण्याचा हा प्रयत्न आहे.
महत्वाच्या बातम्या
- ‘आमचं ठरलंय’ नंतर कोल्हापुरात आता ‘गोकुळ चांगलच चाललंय’ पॅटर्नची चर्चा !
- धडाकेबाज खेळी करताना पृथ्वी शॉने रचला ‘हा’ विक्रम
- राज्य संकटात : कॉंग्रेस नंतर आता राष्ट्रवादीने केली मुख्यमंत्री सहाय्यता निधीस कोट्यावधींची मदत
- तुळजापुरात लसीकरणाला ‘ब्रेक’, दोन केंद्र बंद
- ‘चमकोगिरी करण्याची हौस किमान कोरोना साथीच्या काळात तरी बाजूला ठेवायला हवी’
