कोल्हापूर : कोल्हापुरात सध्या गोकुळ दूधसंघाच्या निवडणुकांच्या पार्श्वभूमीवर राजकीय वातावरण चांगलंच तापलंय. गेल्या लोकसभा आणि विधानसभा निवडणुकीत काँग्रेस नेते व पालकमंत्री सतेज पाटील यांच्या ‘आमचं ठरलंय’ पॅटर्नची चर्चा राज्यभरात रंगली होती. सतेज पाटील यांनी ‘आमचं ठरलंय’ म्हणत चांगलीच राजकीय खेळी करून विरोधकांना मोठा धक्का दिला होता.
आता या पॅटर्ननंतर जिल्ह्याच प्रमुख आर्थिक केंद्र असलेल्या गोकुळ दूध संघाच्या निवडणुकांमध्ये ‘गोकुळ चांगलच चाललंय’ ची चर्चा होत आहे. सत्ताधारी महादेवराव महाडिक-पी एन पाटील गटाने आपलं वर्चस्व कायम ठेवण्यासाठी कंबर कसली आहे. दरम्यान, महाडिक-पाटील यांच्या राजर्षी शाहू आघाडीचा सामना राजर्षी शाहू शेतकरी आघाडीशी होणार आहे. सत्ताधारी गटाने गोकुळ चांगलच चाललंय असं म्हणत ठरावदार मतदारांना आकर्षित केलं आहे.
कोरोनाच्या वाढत्या प्रादुर्भावामुळे निवडणूक पुढे ढकलण्यासाठी सत्ताधारी गटाने सर्वोच्च न्यायालयात धाव घेतली होती. मात्र, सर्वोच्च न्यायालयाने याचिका फेटाळून लावली असल्याने येत्या २ मे रोजी निवडणूक होणार असून ४ मे रोजी निकाल जाहीर करण्यात येणार आहे.
कोल्हापूर जिल्हा सहकारी दूध उत्पादक संघाच्या (गोकुळ) निवडणुकीत येत्या 2 तारखेला ठरावधारकांनी आपलं प्रत्येक मत हे जिल्हयातील 5 लाख लोकांच्या विश्वासाचं प्रतीक आहे हे लक्षात ठेवून राजर्षी शाहू आघाडीच्या #पतंग या चिन्हाला ते द्यावे. असे आवाहन मी करते.#गोकुळ_चांगलच_चाललंय pic.twitter.com/F1LOuQfN64
— Shoumika Mahadik (@shoumikamahadik) April 30, 2021
दरम्यान, शेतकरी नेते व स्वाभिमानी शेतकरी संघटनेचे अध्यक्ष राजू शेट्टी यांनी सत्ताधारी राजर्षी शाहू आघाडीला पाठींबा दिला आहे. तर, सत्ताधारी गटाविरोधात पालकमंत्री सतेज पाटील, ग्रामविकास मंत्री हसन मुश्रीफ, खासदार संजय मंडलिक, मंत्री राजेंद्र राजेंद्र पाटील यड्रावकर आदी दिग्गज नेत्यांनी एकत्र येऊन दंड थोपटले आहेत.
महत्वाच्या बातम्या
- निलेश लंके तुम्ही राष्ट्रवादी काँग्रेसचे आमदार आहेत याचा आम्हाला अभिमान – सुप्रिया सुळे
- ‘राज्य सरकारवर दुजाभाव केल्याचा आरोप करणे म्हणजे पुण्यातील भाजप नेत्यांचा निव्वळ बालीशपणा’
- जालन्यात पालिकेच्या कर विभागाला आग; महत्वाचे कागदपत्रे जळून खाक
- लसीकरणावरून राज्य सरकारवर भाजपची टीका म्हणजे चोराच्या उलट्या बोंबा; काँग्रेसचं प्रत्युत्तर
- राज्य संकटात : कॉंग्रेस नंतर आता राष्ट्रवादीने केली मुख्यमंत्री सहाय्यता निधीस कोट्यावधींची मदत
