‘शरद पवारांबद्दल अपशब्द बोलणाऱ्या तुषार भोसलेची गाढवावरून धिंड काढणार’, राष्ट्रवादीचा इशारा

नाशिक : राष्ट्रवादी काँग्रेस पक्षाचे अध्यक्ष शरद पवार यांच्याविषयी भाजपच्या आध्यात्मिक आघाडीचे तुषार भोसले यांनी बुधवारी सोशल मीडियावर आक्षेपार्ह वक्तव्य केले होते. त्याचे तीव्र पडसाद उमटले. गुरुवारी (दि. २८) राष्ट्रवादी युवक काँग्रेसचे कार्यकर्ते भोसले यांच्या घरी गेले असता ते घरी नव्हते. त्यामुळे कार्यकर्त्यांनी पोलिस ठाण्यात जाऊन त्यांच्याविरोधात तक्रार केली आहे.

राष्ट्रवादी युवक काँग्रेसचे प्रदेश सचिव शादाब सय्यद यांच्या नेतृत्वाखाली तक्रार देण्यात आली आहे. तालुकाध्यक्ष गणेश गायधनी म्हणाले की, तुषार भासले हा इसम सातत्याने डिजिटल माध्यमांवर चर्चेत राहण्यासाठी आक्षेपार्ह वक्तव्य करून चर्चेत राहण्याचा प्रयत्न करतो आहे. त्यांच्यावर तातडीने कारवाई करावी अन्यथा राष्ट्रवादी काँग्रेसचे कार्यकर्ते त्याची गाढवावरून धिंड काढल्याशिवाय राहणार नाही. पोलिस ठाण्यात गणेश गायधनी, योगेश निसाळ, निखिल भागवत, विनायक कांडेकर, सचिन झोले, वजाहत शेख, माजी नगरसेवक हरीश भडांगे, प्रज्योत सुरवाडकर, भीमराव सातपुते, अजय जाधव, राहुल तुपे आदींनी पोलिसांकडे तक्रार केली. वरिष्ठांशी चर्चा करून याबाबत कारवाई करण्यात येईल, असे पोलिसांनी यावेळी सांगितले.

दरम्यान, शरद पवार यांचेवरील टीकेप्रकरणी तुषार भोसले यांनी तातडीने माफी मागावी, अन्यथा त्यांना नाशिक शहरात फिरू न देण्याचा इशारा राष्ट्रवादी युवक काँग्रेसचे शहराध्यक्ष अंबादास खैरे यांनी दिला आहे. भोसले यांच्याविरोधात पोलिस स्टेशनला रीतसर तक्रार दिली असल्याचे खैरे यांनी सांगितले. भोसले यांच्या घरी समन्स गेल्यानंतर ते भीतीपोटी बाहेरगावी पळाले असल्याचे त्यांनी सांगितले.

महत्त्वाच्या बातम्या

• बाळासाहेबांच्या विचारांची शिवसेना आजही आहे, इथं कोणावर अन्याय होणार नाही- संजय राऊत
• ‘होय मी भंगारवाल्याची मुलगी’, मलिकांच्या मुलीने ट्वीट करत दिले टीकाकारांना प्रत्युत्तर
• ज्याने इतरांना जेलमध्ये टाकलं त्याच्या मागे आता कोर्ट कचेऱ्या लागतील- छगन भुजबळ
• ‘शिवसेनेने विश्वासघात केल्यामुळे काँग्रेस पक्षाला राज्यात सत्तेची लॉटरी लागली’
• ‘काँग्रेसचे नेते दरोडेखोर नसतात पण राष्ट्रवादीवर भरोसा नाही, आम्ही त्यांच्या सलगीला भूलणार नाही’