🕒 1 min read
नवी मुंबई:- गेल्या वर्षभरात भाजपला एकामागोमाग एक धक्के बसत आहेत. २०१४ नंतर भाजपमध्ये झालेली मेगाभरती थांबली आहे. तर, भाजपमधून गळती सुरु झाल्याचं दिसून येत आहे. भाजपचे ज्येष्ठ नेते एकनाथ खडसे यांनी राष्ट्रवादी काँग्रेसचा झेंडा हाती घेतल्यानंतर त्यांच्या अनेक समर्थक नेत्यांनी देखील भाजपला रामराम ठोकला आहे.
यानंतरही, भाजपला छोटे-मोठे धक्के सहन करावे लागले. महाविकास आघाडीतील एकीममुळे भाजपला पदवीधर व शिक्षक आमदार निवडणुकांमध्ये देखील जिव्हारी लागणार पराभव स्वीकारावा लागला होता. आता, राष्ट्रवादीने भाजपला आणखी एक तडाखा दिला आहे.
भाजपचे नेते गणेश नाईक याचे निकटवर्तीय भाजपच्या माजी नगरसेविका दिव्या गायकवाड आणि माजी नगरसेवक वैभव गायकवाड यांनी काही वेळापूर्वी राष्ट्रवादी काँग्रेसमध्ये प्रवेश केला आहे. राष्ट्रवादी काँग्रेसचे अध्यक्ष शरद पवार यांच्या उपस्थितीत त्यांनी पक्ष प्रवेश केला.
आमदार गणेश नाईक यांचे कट्टर समर्थक म्हणून ओळखले जाणारे दिघ्यातील नवीन गवते, अपर्णा गवते आणि दीपा गवते या तीन माजी नगरसेवकांनी डिसेंबरच्या शेवटच्या आठवड्यात भाजपला रामराम केला. मुख्यमंत्री उद्धव ठाकरे यांच्या हस्ते वर्षा निवासस्थानी गवतेंनी शिवबंधन बांधले. पालिका निवडणुकीला काही महिने शिल्लक राहिले असतानाच गवतेंच्या शिवसेना प्रवेशामुळे शिवसेनेने नाईकांना मोठा धक्का दिला. त्यानंतर आता पुन्हा एकदा नाईकांना धक्का बसला आहे.
महत्वाच्या बातम्या
- कोरोनाचा कहर : ‘या’ देशात करण्यात आली संपूर्ण लॉकडाउनची घोषणा
- लोकसभा अध्यक्षांची कन्या पहिल्याच प्रयत्नात झाली ‘आयएएस’ अधिकारी !
- काँग्रेस-राष्ट्रवादीच्या सरकारने एकदा नाही तर दोनदा नामांतराचा प्रस्ताव फेटाळला’
- टीम इंडिया सोबत डिनर : ऑस्ट्रेलियात चाहत्यांना कोट्यवधींचा गंडा
- मोदींच्या ड्रीम प्रोजेक्टला हिरवा कंदील, मात्र ‘हे’ नियम पाळावेच लागणार
बातम्यांसाठी YouTube चॅनेल Subscribe करा
Subscribe Now
