मुंबई: ड्रग्स प्रकरण झालं तेव्हा पासून राष्ट्रवादी कॉंग्रेसचे नेते व अल्पसंख्यांक मंत्री नवाब मलिक (Nawab Malik) एनसीबी अधिकारी समीर वानखेडे यांच्या मागे हात धुवून लागले असल्याचे दिसत आहे. समीर वानखेडे (Sameer Wankhede) यांच्या जातीच्या मुद्द्यावरून नवाब मलिक यांनी आरोप केले आहेत. आज महापरिनिर्वाण दिनानिमित्त पुन्हा एकदा समीर वानखेडे यांच्यावर निशाणा साधला आहे.
महापरिनिर्वाण दिनानिमित्त समीर वानखेडे डॉ. बाबासाहेब आंबेडकरांना अभिवादन करण्यासाठी चैत्यभूमीवर दाखल झाले. मात्र भीमशक्ती रिपब्लिकन सेनेनं वानखेडेंच्या उपस्थितीवर आक्षेप नोंदवला. समीर वानखेडेंना चैत्यभूमीवर येण्याचा नैतिक अधिकार नाही अशी भूमिका भीमशक्ती रिपब्लिकन सेनेनं घेतली. त्यानंतर राष्ट्रवादी कॉंग्रेसचे नेते नवाब मलिक हे तिथे दाखल झाले आणि पुन्हा एकदा समीर वानखेडे यांच्यावर निशाणा साधला आहे.
अल्पसंख्यांक मंत्री नवाब मलिक म्हणाले की, बाबासाहेबांना अभिवादन करण्याचा अधिकार प्रत्येकाचाच आहे. तो कोणत्याही धर्माचा असो वा जातीचा. काही लोकांनी नव्यानं इथे येण्यास सुरुवात केली हे चांगलंच आहे. समीर वानखेडे हे कधी चैत्यभूमीवर इतक्या वर्षात अभिवादनाकरता आले का नाही हे मला माहित नाही पण, ते माझ्यासोबत नमाज पढायला नियमितपणे यायचे हे माहिती आहे, असं म्हणत नवाब मलिक यांनी पुन्हा एकदा समीर वानखेडे यांच्यावर निशाणा साधला आहे.
महत्वाच्या बातम्या:
- महापरिनिर्वाण दिनानिमित्त छगन भुजबळांचे डॉ. बाबासाहेबांना अभिवादन
- कारण नसतांना विरोध करणे म्हणजे कोल्ह्याला द्राक्ष आंबट; भुजबळांचा फडणवीसांना टोला
- चिंताजनक! राज्यात नव्या व्हेरिएंटने बाधित रुग्णसंख्या ८ वर
- ‘भीतीच्या सावटाखाली जगणाऱ्या लेखण्या म्हणजे शेळ्या-मेंढ्यांच्या शेपटा’
- रशियाचे राष्ट्राध्यक्ष व्लादिमिर पुतिन आजपासून भारत दौऱ्यावर
बातम्यांसाठी YouTube चॅनेल Subscribe करा
Subscribe Now
