हैदराबाद : नाकापेक्षा मोती जड, अशी उपहासात्मक टीका अनेकदा विरोधक केंद्रावर करताना पहायला मिळतात. कामापेक्षा मोदी सरकार पब्लिसिटीवर जास्त खर्च करतं, असं काँग्रेस नेत्यांनी संसदेत टीका करताना म्हटलं आहे. नरेंद्र मोदी यांच्या कोरोना लस प्रमाणपत्रावरचा फोटो असो किंवा खासगी कार्यालयात, अनेकदा फोटोवरून वाद पेटल्याचं पहायला मिळालं होतं. अशातच आता केंद्रीय अर्थमंत्री निर्मला सीतारमण पंतप्रधान नरेंद्र मोदी यांचा रेशन दुकानमध्ये फोटो नसल्याने चांगल्याच भडकल्याचं पहायला मिळालं.
पंतप्रधान नरेंद्र मोदी यांचा फोटो का नाही?
अर्थमंत्री सध्या तेलंगाणाच्या दौऱ्यावर आहेत. भाजपच्या लोकसभा प्रवास योजनेच्या अंतर्गत निर्मला सीतारमण यांनी कामारेड्डी जिल्ह्यातील बिरकुर या ठिकाणी भेट दिली. यावेळी त्यांनी तेथील एका रेशन दुकानात उभ्या असलेल्या नागरिकांशी संवाद साधला. त्यावेळी त्यांना रेशन दुकानात पंतप्रधान नरेंद्र मोदी यांना फोटो नसल्याचं दिसून आलं. त्यानंतर सितारामण यांनी अधिकाऱ्यांना चांगलंच फैलावर घेतलं. पंतप्रधान नरेंद्र मोदींचा फोटो दुकानात का नाही?, असा सवाल करत त्यांनी अधिकाऱ्यांना जाब विचारला.
प्रधानमंत्री गरीब कल्याण अन्न योजनेच्या माध्यमातून सर्वांना पाच किलो तांदूळ मोफत दिला जातो. मात्र, तेलंगणातील सरकार रेशन दुकानांमध्ये पंतप्रधान नरेंद्र मोदी यांंचे फोटो लावत नाही. पंतप्रधानांचे बॅनर लावले जातात, तेव्हा ते फाडण्यात येतात, असं म्हणत अर्थमंत्र्यांचा पारा चढला. केंद्र सरकार 30 रूपये खर्च उचलतं, तर राज्य सरकारच्या वाट्याला फक्त 4 रूपये खर्च येतो, असं म्हणत त्यांनी तेलंगाणा सरकारवर टीकास्त्र सोडलं.
अधिकाऱ्यांना दिली तंबी
पंतप्रधान नरेंद्र मोदी यांचा फोटो दुकानात का नाही?, याचं उत्तर जिल्हाधिकाऱी आणि अन्य उपस्थित अधिकाऱ्यांकडे नव्हतं. त्यामुळे अर्थमंत्री सीतारमण यांनी अर्ध्या तासात फोटो लावण्याची तंबीच दिली. अर्थमंत्र्यांचं वक्तव्य पंतप्रधानांचा दर्जा खालावणारं आहे, हा सर्व प्रकार हास्यास्पद असल्याचं तेलंगाणा सरकारने म्हटलं आहे.
पाहा व्हिडीओ
– Under PMGKAY, entire cost on 5kg foodgrains given free is borne by Modi Govt
– Under NFSA, more than 80% of cost of foodgrains is borne by the Modi Govt
Is there any objection to poster/banner of PM Modi being displayed at ration shops?
– Smt @nsitharaman. @BJP4Telangana pic.twitter.com/2Kb0SSRLwZ
— NSitharamanOffice (@nsitharamanoffc) September 2, 2022
महत्त्वाच्या बातम्या
- Ajit Pawar | “राज कपूर आधी शोमॅन म्हणून ओळखला जायचा, आता…”, भर कार्यक्रमात अजित पवार यांची टोलेबाजी
- Sharad Pawar | शिंदे-ठाकरे वादात शरद पवार यांची उडी?, सबुरीचा सल्ला देत म्हणतात, ‘डोन्ट फाईट…’
- Abdul Sattar । आगामी काळातील सर्व निवडणुका एकनाथ शिंदेंच्या नावाने होतील – अब्दुल सत्तार
- Narayan Rane | दोन शिवसैनिक एकत्र दिसणार?, नारायण राणे यांच्या उत्तराने शिंदेंच्या चेहऱ्यावर हास्य खुललं, म्हणाले…
- Ashish Shelar | आम्ही ‘पेंग्विन सेना’ म्हणायचं का?; आशिष शेलार यांचं थेट उद्धव ठाकरे यांना पत्र
- Ajit Pawar | भाजप-मनसे युतीवर अजित पवारांची प्रतिक्रिया, म्हणाले…
