एन. व्ही. रामण यांनी घेतली सरन्यायाधीश पदाची शपथ

नवी दिल्ली : देशाचे ४८ वे सरन्यायाधीश म्हणून एन.व्ही. रामण यांनी शपथ घेतली आहे. राष्ट्रपती रामनाथ कोविंद यांनी न्या. रामण यांना पद आणि गोपनियतेची शपथ दिली. सरन्यायाधीश बोबडे निवृत्त झाल्याने वरीष्ठतेच्या आधारावर रामण यांची सरन्यायाधीश पदावर नियुक्ती करण्यात आली आहे.

देशाचे सरन्यायाधीश निवृत्त होण्याआधीच सर्वात वरीष्ठ न्यायाधीशाची या पदासाठी शिफारस करतात. त्यानुसार न्या. बाेबडे यांनी न्या. एन.व्ही. रामण यांच्या नावाची शिफारस केली होती. शेतकरी कुटुंबात जन्म झालेले एन.व्ही.रामण यांचा साहित्य क्षेत्रातही रस आहे. त्यांचा जन्म २७ ऑगस्ट १९५७ रोजी तत्कालीन अविभक्त आंध्रप्रदेश राज्यात झाला आहे.

एन.व्ही. रामण यांनी आयुष्याच्या सुरूवातीला काही काळ पत्रकार म्हणूनही काम केलेले आहे. आंध्रप्रदेश उच्च न्यायालयात त्यांनी अनेक वर्ष न्यायदानाचे कार्य केले. जम्मू-कश्मीरमध्ये कलम ३७० कलम हटवल्यानंतर या ठिकाणची इंटरनेट सेवा पुन्हा सुरू करण्यासंदर्भातल्या महत्त्वाच्या याचिकेची सुनावणी त्यांनी केली आहे.

महत्त्वाच्या बातम्या

• उस्मानाबादेत गंभीर रुग्णांची संख्या दिवसेंदिवस वाढू लागली, दररोज लागतोय ४६ हजार लिटर ऑक्सिजन
• CBIने गुन्हा दाखल केल्यानंतर जयश्री पाटील आक्रमक, देशमुखांना अटक करण्याची केली मागणी
• गरजेनुसारच नातेवाइकांना रुग्णालयात प्रवेश द्या – सीईओ अजित कुंभार
• महाविकास आघाडीने उच्च न्यायालयाचा निकाल सोईने वाचला- दरेकर
• वडिलांच्या निधनानंतर भाग्यश्री लिमयेने केलं मन मोकळं; शेअर केली भावनिक पोस्ट