औरंगाबाद : वीज कडाडताच घरात खेळणारी सहा वर्षीय चिमुकली बेशुद्ध पडली. नातेवाईकांनी तिला उपचारासाठी घाटीत दाखल केल्यावर उपचारादरम्यान रविवारी मध्यरात्री सव्वाबाराच्या सुमारास तिचा मृत्यू झाला. जिन्सीतील जुना मोंढा भागातील तत्वशीलनगरमध्ये ही घटना घडली. चिमुकलीचा शवविच्छेदन अहवाल राखीव असल्यामुळे मृत्यूचे गूढ कायम आहे.
आक्सा इस्माईल शेख (६, रा. तत्वशीलनगर, जुना मोंढा) असे मृत चिमुकलीचे नाव आहे. पोलिसांकडून मिळालेल्या माहितीनुसार, रविवारी सायंकाळी साडेसहा वाजता शहरात विजांच्या कडकडाटासह पावसाला सुरुवात झाली. जवळपास एक तास मुसळधार पाऊस बरसला. तेव्हा आक्सा ही घरातच खेळत होती.
आकाशात विजांचा कडकडाट होताच आक्सा प्रचंड घाबरली. आवाजाने ती घरातच बेशुद्ध पडली पण नेमके काय झाले ?, असे समजून आई-वडिलांनी तिला तात्काळ घाटीत दाखल केले. उपचारादरम्यान मध्यरात्री सव्वाबाराच्या सुमारास डॉक्टरांनी तिला मृत घोषीत केले. या प्रकरणी जिन्सी ठाण्यात अकस्मात मृत्यूची नोंद करण्यात आली आहे. पुढील तपास पोलीस निरीक्षक व्यंकटेश केंद्रे यांच्या मार्गदर्शनाखाली हवालदार पानखडे करत आहेत.
महत्वाच्या बातम्या
- एक महिना तीन दिवस झाले तरी राज्य सरकाने स्वतंत्र पुनर्विचार याचिका का दाखल केली नाही?
- ‘पंतप्रधानांचा आदर्श घेऊन महाविकास आघाडीनेही राज्यातील गरिबांना भरघोस मदत करावी’
- उरवडे येथील आगीला जबाबदार कोण ? गृहमंत्री म्हणतात…
- “पीक विमा आमच्या हक्काचा नाही कोणाच्या बापाचा”, परभणीत भाजप तर्फे आंदोलन
- ‘नरेंद्र मोदींची भेट झाली म्हणून आम्ही शांत झालो असा गैरसमज राज्य सरकारने करून घेऊ नये’
