“पीक विमा आमच्या हक्काचा नाही कोणाच्या बापाचा”, परभणीत भाजप तर्फे आंदोलन

परभणी: हक्काचा पीकविमा दाबून ठेवणा-या रिलायन्स जनरल इन्शुरन्स कंपनीचा धिक्कार असो, पीक विमा आमच्या हक्काचा नाही कोणाच्या बापाचा, पीक विम्याची रक्कम द्या यासह अन्य घोषणाबाजी करीत कार्यकर्त्यांनी संपूर्ण परिसर अक्षरशः दणाणून सोडला होता. यावेळी जिल्हाध्यक्ष, तालुकाध्यक्ष, पदाधिकारी व शेतकरी बांधव मोठ्या संख्येने उपस्थीत होते.

परभणीत आज भाजपाद्वारे पीकविम्याच्या मागणीसाठी आंदोलन करण्यात आले. जिल्ह्यातील सर्वसामान्य शेतक-यांना पीकविम्याची हक्काची रक्कम संबंधीत रिलायन्स कंपनी व राज्य सरकारने पेरणीपुर्व तातडीने वितरीत करावी, या मागणीसाठी भारतीय जनता पक्षाच्या ग्रामीण जिल्हा शाखेतर्फे आज जिल्हा अधीक्षक कृषी अधिकारी यांच्या कार्यालयासमोर जोरदार निदर्शने करण्यात आली.

भाजप नेत्या मेघना बोर्डीकर यांनी या संदर्भातील माहिती सोशल मिडियावर पोस्ट केली आहे. शेतकऱ्यांना त्यांच्या हक्काच्या राक्कामेसाठी वणवण करावी लागत आहे तसेच रिलायन्स कंपनी व राज्य सरकारने तातडीने शेतकऱ्यांच्या हक्काचा पैसा त्यांना पेरणीच्या आधी परत करावा, अशी मागणी यावेळी भाजपकडून करण्यात येत आहे.

महत्वाच्या बातम्या

• सत्तेत एकत्र नाहीत याचा अर्थ नातं तुटलं असा होत नाही – उद्धव ठाकरे
• मराठा समाजाची दिशाभुल करणारी राजकीय भेट, मोदी-ठाकरे भेटीवर विनायक मेटे यांची टीका
• नवरदेव पाहिजे पण कोव्हिशिल्ड लस घेतलेलाच…,वधू पक्षाची अनोखी मागणी
• मोदी-ठाकरेंचे ‘एकांतातील’ ते ३० मिनिटं पुन्हा युतीची नांदी ठरणार ?
• ‘दिल्लीत ‘ढकललं केंद्रावर’ चा प्रयोग, नापास विद्यार्थ्यांचे पंतप्रधानांना साकडे’