पुण्यातील महाविद्यालयात हिजाब समर्थनार्थ मोर्चा

🕒 1 min read

पुणे : कर्नाटक राज्यातील उडपी जिल्ह्यात काहीच दिवसांपूर्वी शाळेत धार्मिक पेहराव असणारा हिजाब घालून प्रवेश करण्यास परवानगी द्यावी याकरता आंदोलन करण्यात आले होते. कर्नाटक राज्यातील उडपी जिल्ह्यात काही मुली ‘हिजाब’ घालून शाळेत प्रवेश करू इच्छित होत्या मात्र शाळेच्या प्राचार्यांनी धार्मिक पेहराव घालून शाळेत येण्यास सक्त मनाई केली. शाळेच्या प्राचार्यांच्या या बंधनामुळे देशात अनेक ठिकाणी प्रतिक्रिया उमटल्या होत्या.

त्यातच आज पुण्यातील मध्यवर्ती भागात असलेले प्रसिद्ध ”आझम कॅंपसमध्ये” हिजाबच्या समर्थनार्थ मोर्चा काढण्यात आला होता. त्यांनी आझम कॅम्पस परिसरात बुरखा घालून हिजाब वादाचा निषेध केला. ” आझम कॅम्पस” परिसरात आज मुस्लिम मुलींनी हिजाब परिधान करून मोर्चा काढला आणि हिजाब घालणे हा आमचा धार्मिक हक्क असून तो कोणाकडूनही हिरावला जाऊ शकत नाही, असे मोर्च्यात सहभागी झालेल्या मुस्लिम मुलींकडून सांगण्यात आले.

हिजाब प्रकरण कर्नाटक राज्यातील उडपी जिल्ह्यात घडले होते मात्र त्याचे पडसाद महाराष्ट्र राज्यात पण उमटले आहेत. आज पुण्यातील आझम कॅम्पसमध्ये हिजाब समर्थनार्थ मोर्चाचे आयोजन करण्यात आले होते. मात्र याआधी मालेगाव, मुंबई आणि बीड शहरात सुद्धा हिजाब समर्थनार्थ मोर्चे काढण्यात आले होते.

महत्वाच्या बातम्या : 

• … तर माझ्यासारखा स्वीट दहशतवादी नसेल ;- अरविंद केजरीवाल यांचे कुमार विश्वास यांना प्रत्युत्तर
  
• ‘चंद्रकांत पाटील सारखा मी भविष्यकार नसून भाजीवाला आहे’ – छगन भुजबळ
• राष्ट्रवादी काँग्रेस हा पश्चिम महाराष्ट्रापुरता पक्ष; गिरीश बापटांची खोचक टीका
• बाबर आझम सोबतच्या वादाबद्दल वसीम अक्रमने केला खुलासा म्हणाला…
• ”या” मोठ्या कंपनीचा आयपीओ मार्च महिन्यात येणार