आई-वडिलांची भेट अधुरीच राहिली… मुंबई-पुणे एक्स्प्रेस वेवर अपघात; जीएसटी उपायुक्तांचा मृत्यू

🕒 1 min read

मुंबई – पुणे एक्सप्रेस वेवर आज(दि.25) सकाळी आठ वाजण्याच्या सुमारास भीषण अपघात झाला. एका भरधाव इनोव्हा गाडीने पुढे जात असलेल्या ट्रकला मागून जोरदार टक्कर दिली. या भीषण अपघातात दोघांचा जागीच मृत्यू झाला, तर दोघे गंभीर जखमी झाले आहेत. दरम्यान, हा अपघात इतका भीषण होता की, इनोव्हा गाडीचा अक्षरशः चुरा झाला आहे.

हा अपघात आज सकाळी आठच्या सुमारास झाला. अभिजित घवले त्यांच्या आई-वडिलांना भेटायला चालले होते. मात्र, तिथे पोहोचण्याआधीच त्यांच्यावर काळाने घाला घातला. अभिजीत घवले (जीएसटी डेप्युटी कमिशनर) यांच्यासह त्यांचे साडू शंकर गोडा यतनाल यांचाही या अपघातात मृत्यू झाला आहे. तर घवले यांच्या पत्नी व चालक गंभीर जखमी झाले आहेत. त्यांना उपचारासाठी सोमाटणे येथील पवना हॉस्पिटल येथे दाखल करण्यात आले आहे.

मिळालेल्या माहितीनुसार, अभिजीत घवले यांच्या आई-वडिलांचा लग्नाचा वाढदिवस असल्यामुळे अभिजित घवले हे त्यांची पत्नी, साडू व चालक हे इनोव्हा कारने लातूरला गावी चालले होते. आज सकाळी आठ वाजण्याच्या सुमारास मुंबईहून पुण्याकडे जात असताना घवले यांच्या इनोव्हा कारचे कामशेत बोगद्यात समोरील टायर फुटला आणि भरधाव वेगात असलेली कार पुढे जाणाऱ्या ट्रकवर आदळली.अपघाताची माहिती मिळताच पोलिसांनी घटनास्थळी धाव घेत अपघातग्रस्त वाहने बाजूला करून वाहतूक सुरळीत करण्यात आली.

घवले हे त्यांच्या आई-वडिलांना भेटायला चालले होते. या दुर्घटनेमुळे त्यांची आई-वडिलांची भेट अधुरीच राहिली. या भीषण अपघातामुळे घवले कुटुंबावर दुखाचा डोंगर कोसळला आहे. घवले यांच्या निधनामुळे सर्वत्र हळहळ व्यक्त केली जात आहे.

महत्वाच्या बातम्या

• दिलासा! म्यूकरमायकोसिसवरील उपचार सरकारी योजनेतूनच होणार
• आकडेवारी जाहीर ; देशात आतापर्यंत तब्बल ‘इतक्या’ लोकांचे झाले लसीकरण
• ‘मोदींच भावनिक होणे आणि डोळ्यातले अश्रू म्हणजे ठरवून केलेला कार्यक्रम’
• चंद्रकांत पाटलांचे ‘ते’ विधान मराठा आरक्षण संघर्षातील शहिदांचा अपमान करणारे – कॉंग्रेस
• बारावीच्या परीक्षांचा निर्णय लवकरच; राज्य सरकारांना २५ मे पर्यंत सूचना देण्याची वेळ