मुंबईसह महाराष्ट्रात ड्रोन हल्ल्याचं सावट; काय आहे प्रकरण जाणून घ्या

मुंबई: मुंबईसह महाराष्ट्रात ड्रोन हल्ला (Drone Attack) करण्याचा कट असल्याची माहिती समोर आली आहे. हल्ल्यांबाबतचं संभाषण चौकशी यंत्रणांना कळल्यानं पोलीस यंत्रणा खडबडून जागी झालीय. तसेच महाराष्ट्रात ड्रोन हल्ला जर झाला तर महाराष्ट्राकडे अँटी-ड्रोन यंत्रणाही नाही असं महाराष्ट्र सायबर पोलिसांनीही मान्य केलं आहे. महाराष्ट्र सायबर आयजी यशस्वी यादव यांनी यासंदर्भात माहिती दिली आहे.

महाराष्ट्र सायबर आयजी यशस्वी यादव (Maharashtra Cyber IG Yashasvi Yadav) म्हणाले, दहशतवादी सहानुभूती बाळगणारे ड्रोन हल्ले, रासायनिक हल्ले आणि सायबर हल्ल्यांबद्दल डार्क नेटवर बोलताना दिसतात. पृष्ठभागाच्या जाळ्याच्या तुलनेत डार्क नेट (Dark Net) ९९ टक्के आहे. टोर ब्राउझर डार्क नेटमध्ये वापरला जातो, जो सहज पकडता येत नाही. कारण त्यात अनेक प्रॉक्सी बाऊन्सिंगचा वापर केला जातो, अशी माहिती यादव यांनी दिली आहे.

ड्रोन हल्ला याबाबत आपण अनेकदा जम्मू काश्मीरच्या बाबतीत ऐकत आलो आहोत. मात्र आता मुंबईसह राज्यातील इतर महत्वाच्या शहरांवर हा हल्ला करण्याचा कट उघडकीस आला आहे. ड्रोन हल्ल्यात २० किमी ते ३० किमी अंतरावरूनही हल्ला केला जाऊ शकतो. ड्रोनवर पेलोड बसवता येतात. याशिवाय, त्यांना बॅकट्रॅक करणं फारसं सोपं नाही. जर एखाद्या गुन्हेगारानं मोबाईल फोन वापरला तर त्याचा आयएमईआय (IMI Number) क्रमांकावरून शोध लावला जाऊ शकतो, परंतु ड्रोन मागे टाकून गुन्हेगाराचा शोध लावता येत नाही. त्यामुळे महाराष्ट्रात लवकरात लवकर अँटी-ड्रोन यंत्रणा कार्यरत करणे आवश्यक झाले आहे.

महत्वाच्या बातम्या:

• सिडकोवासियांना न्याय देण्याची मुख्यमंत्री ठाकरेंची घोषणा हवेतच विरली; खा. जलील यांचे प्रशासकांना पत्र..!
• केंद्रीय आरोग्य सचिवांनी पत्राद्वारे राज्यांना दिले ‘हे’ निर्देश
• हॉटेल, मॉल्स ५०% क्षमतेने सुरु; मग पर्यटन स्थळेच लॉक का? आ. अंबादास दानवेंची बंदी हटवण्याची मागणी!
• अनन्या पांडेला कुणी दिलं ‘खास गिफ्ट’ ; जाणून घ्या
• जिल्हाधिकार्‍यांनंतर मनपा आयुक्त पांडेय यांनी घेतला ‘बुस्टर डोस’; ६० मनपा कर्मचाऱ्यांचाही समावेश!