औरंगाबाद: अनेक वस्तूंच्या चोरी झालेल्या आपण ऐकलं आहे, कधी दुचाकी तर कधी चारचाकी चोरीला गेली अशा बातम्या आपण नेहमीच ऐकतो. पण इथे तर चक्क या चोरट्यांनी बस चोरून आणली आहे. एवढ्यावरच हे थांबले नाहीत, त्या बसची मोडतोड करून ती भंगारमध्ये घालण्याचा यांचा उद्देश होता. त्यासाठी त्यांनी बसची मोडतोड करायला सुरुवातही केली होती. तेवढ्यात पोलिसांनी या बहाद्दरांना ताब्यात घेतले.
पैठण तालुक्यातील आखादवाडा येथील ही घटना आहे. आखादवाडा शिवारात जाणाऱ्या कच्च्या रस्त्याच्या बाजूला बाभळीच्या झाडाच्या आडोशाला ही बस उभी केली होती. मुंबई वेस्ट हद्दीमधील ही बस (एमएच ०४ जेयू ४२५७) चोरट्यांनी ही बस बोरीवली मुंबई वेस्ट येथून चोरून आणून ती थेट पैठणपासून सात किलोमीटर अंतरावर असलेल्या आखादवाडा शिवारात उभी केली. तिथे हे चोरटे बसची तोडफोड करत असल्याची माहिती पोलिसांना मिळाली.
पोलीस निरीक्षक किशोर पवार व त्यांच्या सहकाऱ्यांनी लगेच त्या ठिकाणी धाव घेतली आणि या चोरट्यांना रंगेहाथ पकडले. पोलीस जेव्हा घटनास्थळी पोहोचले, तेव्हा पोलिसांना बघून चोरट्यांनी पळ काढण्याचा प्रयत्न केला. त्यातल्या एकाला पोलिसांनी लगेच पकडले तर दुसऱ्याला दोन किलोमीटर पाठलाग करून पकडले. त्यातील एक चोर मुकबधिर असल्याचे चौकशी दरम्यान समोर आले. चोरी करून आणलेल्या बसची पोलिसांनी चौकशी केली असता, त्या बसची किंमत १९ लाख रुपयांची असल्याचे समजले तसेच ती बस मुंबई वेस्ट येथील असून तिथे बस चोरीचा गुन्हा नोंद झाला असल्याची माहिती मिळाली.
महत्वाच्या बातम्या
- पुजा चव्हाण आणि मनसुख हिरेन प्रकरणातील शवविच्छेदन अहवालात छेडछाड?
- कोरोना वाढला ; जम्बो कोविड केअर सेंटर होणार पुन्हा सुरू
- ४५ वर्षांवरील प्रत्येक व्यक्तीला लस द्यावी; राज्य सरकारची केंद्राकडे मागणी
- रिलायन्सने फेटाळल निता अंबानी यांना बनारस हिंदू विद्यापीठाने व्हिजिटिंग प्रोफेसरचा दर्जा दिल्याच वृत्त
- आमदार गिरीश महाजन यांना कोरोनाची लागण
बातम्यांसाठी YouTube चॅनेल Subscribe करा
Subscribe Now
