जळगाव : भाजप नेते आणि आमदार गिरीश महाजन यांना कोरोनाची लागण झाल्याची माहिती समोर आली आहे. जळगाव महापालिकेच्या महापौर व उपमहापौरपदासाठी १८ मार्चला निवडणूक होत आहे. त्यातच ऐन निवडणुकीच्या काळात भाजपच्या २७ नगरसेवकांचा पत्ता लागत नसल्याने वातावरण चांगलेच पेटले आहे.
भाजप नेते व गिरीश महाजन महापालिका राजकारणातील हि अडचण सोडविण्यामध्ये व्यस्त आहेत. यातच त्यांचा कोरोना चाचणी अहवाल पॉझिटिव्ह आल्याने भाजपाच्या अडचणीत वाढ झाली आहे. रविवारी रात्री गिरीश महाजन यांची जळगाव विमानतळावर नगरसेवकांसह बैठक झाली होती त्यादरम्यान देखील महाजन यांना ताप होता.
मंगळवारी महाजन यांनी तपासणी केली असता त्यांचा अहवाल पॉझिटिव्ह आला आहे. त्यांच्यावर खाजगी रुग्णालयात उपचारासाठी दाखल करण्यात आले आहे. महाजन यांचा कोरोना अहवाल पॉझिटिव्ह आला असला तरी, ते काही राजकीय कामे रुग्णालयातूनच करत असल्याची माहिती समोर आली आहे.
कोरोनाची लस आली लसीकरण सुरु होऊन देखील दोन महिने उलटून गेले मात्र अद्याप देखील कोरोना आटोक्यात आला नसून राज्य कोरोनाच्या दुसऱ्या लाटेच्या उंबरठ्यावर येऊन उभे राहिले आहे. या पार्श्वभूमीवर आज पंतप्रधान नरेंद्र मोदी यांनी देशातील सर्व राज्यांच्या मुख्यमंत्र्यांशी चर्चा केली आहे.
महत्वाच्या बातम्या
- डुकाटीच्या दोन शानदार बाईक्स ग्राहकांच्या भेटीला जाणून घ्या किंमत आणि फीचर्स
- कर्णधार कोहलीच्या ‘या’ निर्णयावर लक्ष्मणची नाराजी
- घरपट्टी व नळपट्टीवरील व्याज होणार १००% माफ; परभणी मनपाचा निर्णय
- विराट कोहलीचा मोठा पराक्रम! सचिन, धोनीला मागे टाकत पटकावले अव्वल स्थान
- तिसऱ्या टी-२० सामन्यात इंग्लंडचे जोरदार पुनरागमन; भारताचा ८ गडी राखुन पराभव
