पुणे : कोरोनाच्या दुसऱ्या लाटेत पुणे शहरात ७ हजारांच्या आसपास रुग्णांची सर्वाधिक संख्या नोंदवण्यात आली होती. आता ही स्थिती आटोक्यात आली असून शहरातील बहुतांश निर्बंध देखील हटवण्यात आले आहेत. मात्र, अद्यापही कोरोनाचा धोका कायम असल्याने नागरिकांनी योग्य काळजी घेण्याचे आवाहन प्रशासनाकडून केले जात आहे.
दरम्यान, कोरोनाच्या पहिल्या आणि दुसऱ्या लाटेचा पुणे शहराप्रमाणेच राजधानी दिल्लीत देखील कोरोनाने कहर माजवला होता. आता राजधानी दिल्लीत कोरोना रुग्णसंख्या ही मोठ्या प्रमाणात आटोक्यात आली असून आज केवळ ३६ कोरोना रुग्णांची नोंद करण्यात आली आहे. तर तिथे ऍक्टिव्ह रुग्णांची संख्या देखील केवळ ४२७ आहे. याहून अधिक कोरोना रुग्णांची नोंद ही पुण्यात केली जात असून आज रुग्णसंख्येत वाढ झाली आहे.
पुणे शहरात आज नव्याने २६६ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ९१ हजार ००८ इतकी झाली आहे. तर, शहरातील २१५ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ८० हजार ०८९ झाली आहे.
पुणे शहरात आज एकाच दिवसात ९ हजार ६०४ नमुने घेण्यात आले आहेत. पुणे शहराची एकूण टेस्ट संख्या आता ३० लाख २६ हजार ७१६ इतकी झाली आहे. सध्या उपचार घेणाऱ्या २ हजार ०५६ रुग्णांपैकी २०२ रुग्ण गंभीर तर २६१ रुग्ण ऑक्सिजनद्वारे उपचार घेत आहेत. तर महापालिका हद्दीत नव्याने ५ कोरोनाबाधित रुग्णांच्या मृत्यूची नोंद झाली आहे.आजच्या नव्या संख्येसह मृतांची एकूण संख्या ८ हजार ८६३ इतकी झाली आहे.
महत्त्वाच्या बातम्या
- ‘तेव्हा जे शरद पवार तलाक बद्दल म्हणाले होते, तेच तालिबानी शरियाबद्दल सांगतायत’
- ‘आम्ही कोणालाही शिंगावर घ्यायला तयार, मग ते राज ठाकरे असो वा कोणीही’
- धक्कादायक : भारतात कोविशील्डच्या बनावट लसी; जागतिक आरोग्य संघटनेने दिला इशारा
- भाजपला ‘जन आशीर्वाद’ महागात पडला; कल्याण डोंबिवलीत 4 गुन्हे दाखल
- बक्षिस म्हणून मिळालेली रक्कम लहानग्या आदितीने पुरग्रस्तांसाठी दिली; मुख्यमंत्र्यांनी केलं खास कौतुक
