टीम महाराष्ट्र देशा : वाराणसी लोकसभा मतदारसंघातून पंतप्रधान नरेंद्र मोदी आज उमेदवारी अर्ज दाखल करणार आहेत, गुरुवारी मोदी यांनी रोड शो करत शक्तिप्रदर्शन केले होते. यावेळी भाजपचे प्रमुख नेते उपस्थित राहणार आहेत. शिवसेना पक्षप्रमुख उद्धव ठाकरे हे देखील यावेळी विशेष उपस्थिती लावणार आहेत.
लोकसभा निवडणुकीच्या शेवटच्या टप्यात वाराणसी लोकसभा मतदारसंघात मतदान पार पडणार आहे, २०१४ साली मोदी हे विक्रमी मतांनी विजयी झाले होते. मै यहां आया नही हूं, मुझे मां गंगाने बुलाया है, म्हणत मागील निवडणुकीत मोदींनी मतदारांचे लक्ष वेधले होते. आता पुन्हा एकदा वाराणसीमधून ते लोकसभेच्या मैदानात उतरले आहेत.
दरम्यान, कॉंग्रेसकडून मोदी विरोधात प्रियांका गांधी लढणार असल्याची चर्चा सुरु होती, मात्र अखेर काँग्रेसने अजय राय यांना उमेदवारी दिली आहे. अजय राय हे २०१४ मध्येही मोदींविरोधात रिंगणात उतरले होते.
बातम्यांसाठी YouTube चॅनेल Subscribe करा
Subscribe Now
