“नामफलक मराठीतच असावेत याचे श्रेय फक्त महाराष्ट्र सैनिकालाच बाकी कुणीही आचरटपणा करू नये”

🕒 1 min read

मुंबई : मराठी भाषा आणि मराठी अस्मिता टिकवण्यासाठी आता राज्य सरकारने आता मोठा आणि महत्वाचा निर्णय घेतला असून यापुढे सर्व दुकानांवरच्या पाट्या या मराठी भाषेतच करण्याचा निर्णय घेण्यात आला आहे. याच पार्श्वभूमीवर मनसेप्रमुख राज ठाकरेंनी(Raj Thackeray) राज्य सरकारच्या या निर्णयाला पाठिंबा देत अभिनंदन केले आहे.

यासंदर्भात राज ठाकरेंनी ट्विट केले असून ते म्हणाले आहेत की,’ह्या महाराष्ट्रात दुकानांवर मराठीतच पाट्या असाव्यात ह्यासाठी खरंतर आंदोलन करावं लागूच नये, परंतु २००८, २००९ साली पाट्या मराठीतच असाव्यात म्हणून महाराष्ट्र सैनिकांनी महाराष्ट्र जागवला, आंदोलनं केली, शेकडोंनी केसेस अंगावर घेतल्या आणि शिक्षा भोगल्या. काल महाराष्ट्राच्या मंत्रीमंडळानं दुकानांवरील नामफलक मराठीतच असावेत असा निर्णय घेतला तेंव्हा त्याचं श्रेय हे फक्त आणि फक्त माझ्या महाराष्ट्र सैनिकांचं आहे. त्या सर्वांचं मनःपूर्वक अभिनंदन. बाकी कुणीही हे श्रेय लाटण्याचा आचरटपणा करू नये. त्यावर अधिकार आहे फक्त महाराष्ट्र सैनिकाचाच.’

#राजभाषा_मराठी #महाराष्ट्र_धर्म pic.twitter.com/MQhQ4DGcvk

— Raj Thackeray (@RajThackeray) January 13, 2022

दरम्यान, पुढे ते म्हणाले की,’महाराष्ट्र सरकारला आता मी इतकंच सांगेन की आता कच खाऊ नका, ह्याची अंमलबजावणी नीट करा. यामध्ये आणखी एक भानगड सरकारनं करून ठेवली आहे की मराठी भाषेशिवायही इतर भाषा नामफलकांवर चालतील म्हणून. ह्याची काय गरज आहे? महाराष्ट्राची भाषा देवनागरीतील मराठी आहे, देवनागरी लिपी सर्वांना समजते. इथे फक्त मराठीच चालणार आणि ह्याची आठवण पुन्हा-पुन्हा आम्हाला करायला लावू नका’, असेही ठाकरे म्हणाले आहेत.

महत्वाच्या बातम्या:

• अनिल देशमुखांच्या शंभर कोटी बाबत पोलिस उपायुक्तांनीच दिले उत्तर, म्हणाले…
• कोरोनामुक्त होताच रोहित पवार मैदानात; साधला भाजपवर निशाणा
• ‘मेहता पब्लिशिंग हाऊस’चे सुनिल मेहता यांचे निधन
• “आपल्याला कोरोना झाला नाही कारण…”; इंदुरीकर महाराजांचे अजब विधान
• अजय देवगणने स्वतःला लिहिलं पत्र ; म्हणाला, “अभिनेता म्हणून अपयशी..”