…अन् मंत्री दत्ता मामा भरणे झाले फोटोग्राफर

मुंबई:- कालपासून विधिमंडळाचे दोन दिवसीय हिवाळी अधिवेशन सुरु झाले आहे. परंपरेनुसार नागपूरला होणारे हे अधिवेशन यंदा कोरोनामुळं दोन दिवसांचे आणि मुंबईत घेण्याचा निर्णय घेण्यात आला आहे.

मुंबई शहरात थंडी प्रवेश करु लागली आहे. मागील दोन दिवसांपासून शहरात गारवा जाणवू लागला आहे. त्यामुळे वातावरणातील थंडावा आणि मंद हवेतील गारव्याचा अनुभव घेण्यासाठी शहरातील तरुण मरीन ड्राईव्हवर मोठ्या संख्येने जमत आहेत. असेच काही तरुण सोमवारीसुद्धा मरीन ड्राईव्हवर जमले होते. यावेळी दिवसभर अधिवेशन करून राज्यमंत्री दत्तात्रय भरणे मरीन ड्राईव्हवर इव्हनिंग वॅाक करण्यासाठी बाहेर आले. इकडे तरुण गप्पांमध्ये दंग होते आणि भरणेंचं लक्ष चालण्याकडे होतं. यावेळी अचानक काही तरुणांनी “ओ काका आमचा एक फोटो काढा की,” असे म्हणत, थेट दत्तात्रय भरणे यांना फोटो काढण्याची विनंती केली.

एवढ्यावरच ते मुले थांबले नाहीत, तर भरणे यांच्या हातात मोबाईल देत तरुणमंडळी फोटोसेशनसाठी रेडीही झाले. यावेळी भरणे यांनी कुठलेही आढेवेढे न घेता तरुणांचे अनेक फोटो काढले. तरुणांच्या विनंतीनंतर राज्यमंत्री दत्तात्रय भरणे चक्क फोटोग्राफर झाले. यावेळी भरणे यांनी तरुणांसोबत मनमोकळ्या गप्पा केल्या. त्यानंतर मुलांनीही भरणे यांच्यासोबत अनेक फोटो काढत हा प्रसंग काळाच्या स्मृतीवर कैद केला.

महत्वाच्या बातम्या

• मराठा आंदोलकांना घरात घुसुन मारलं जात आहे, देवेंद्र फडणवीसांचा गंभीर आरोप
• ‘ते’ बंगले खाजगी प्रॉपर्टी नाहीत, झालेल्या खर्चात काही गैर नाही – अशोक चव्हाण
• अहमद पटेल यांचे सत्तेत असूनही सत्तेतील पदांमध्ये त्यांचे मन कधीच रमले नाही : शरद पवार
• ‘राज्याचे मंत्री टू-व्हीलरने दिल्लीला जातात, पण आधी महाराष्ट्रात तरी दिवे लावा’
• ग्रामपंचायत निवणुकांसाठी राज ठाकरेंनी ठोकला शड्डू !