🕒 1 min read
नवी दिल्ली : भाजपच्या माजी आमदार आणि भाजपच्या महिला आघाडीच्या उपाध्यक्षा मेधा कुलकर्णी यांनी गुरुवारी पंतप्रधान नरेंद्र मोदी यांच्या निवासस्थानी त्यांची भेट घेतली. यावेळी त्यांनी मोदींशी अनेक विषयांवर चर्चा केली. यावेळी मेधा कुलकर्णी यांनी पंतप्रधान मोदींना राखी देखील बांधली. पंतप्रधान मोदींची ही भेट अलौकिक, अद्वितीय व्यक्तिमत्वाची आणि अविस्मरणीय असल्याची भावना मेधा कुलकर्णी यांनी व्यक्त केली.
अलौकिक, अद्वितीय व्यक्तिमत्वाची अविस्मरणीय भेट ????????
पंतप्रधान निवासस्थान ७ लोक कल्याण मार्ग, नवी दिल्ली येथे.@narendramodi pic.twitter.com/1wjYqDWNPH— Dr. Medha Kulkarni (@Medha_kulkarni) September 3, 2021
या भेटीत पुण्यातील लसीकरण, शनिवारवाड्याच्या जिर्णोद्धारासाठी निधी, आदी विषयांवर चर्चा केली असल्याची माहिती मेधा कुलकर्णी यांनी दिली आहे. याबाबत त्यांनी ट्वीट करत माहिती दिली आहे. तसेच, कोरोना काळात विधवा झालेल्या महिलांसाठीही मेधा कुलकर्णी यांनी पंतप्रधान नरेंद्र मोदी यांच्याकडे महत्वाची मागणी केली आहे.
या भेटीत पुण्यातील लसीकरण, शनिवार वाड्याच्या जीर्णोद्धारासाठी निधी आदी विषय देखिल मी माननीय पंतप्रधानांसोबतच्या चर्चेत मांडले. मोदीजींनी या सर्व मुद्यांना सकारात्मक प्रतिसाद दिला.
— Dr. Medha Kulkarni (@Medha_kulkarni) September 3, 2021
कोरोना काळात वैधव्य आलेल्या महिलांना एकरकमी ५ लाख रुपये किंवा दरमहा ५ हजार रुपये वेतन देण्यात यावे यासाठी आपण राज्य सरकारांना सूचना करावी, अशी विनंती पंतप्रधानांकडे केली. या भेटीत पुण्यातील लसीकरण, शनिवार वाड्याच्या जीर्णोद्धारासाठी निधी अशा विषय देखील मी माननीय पंतप्रधानांसोबतच्या चर्चेत मांडले. मोदींनी या सर्व मुद्यांना सकारात्मक प्रतिसाद दिला, असं ट्वीट मेधा कुलकर्णी यांनी केलं आहे.
महत्त्वाच्या बातम्या
- बीडमध्ये राष्ट्रवादी-शिवसेनेत पुन्हा जुंपली; आमदार पुतण्यावर काका क्षीरसागरांचे गंभीर आरोप
- मराठा आरक्षणातील अडसर दूर होणार ? संभाजीराजेंनी राष्ट्रपतींकडे केल्या ‘या’ २ महत्वाच्या मागण्या
- संभाव्य तिसऱ्या लाटेच्या पार्श्वभूमीवर पथदर्शी प्रकल्प म्हणून कोरोनामुक्त वार्ड करा – गोऱ्हे
- बारामती नगरपरिषदेच्या ठरावाला आव्हान देणारी याचिका उच्च न्यायालयाने फेटाळली
- ‘काही लोकांमुळे सहकारी खाते बदनाम होतंय, फटका माझ्यासारख्याला बसतो’
बातम्यांसाठी YouTube चॅनेल Subscribe करा
Subscribe Now
