अहमदाबाद : भारत विरुद्ध इंग्लड संघादरम्यान पाच टी-२० सामन्याची मालिका अहमदाबाद येथील नरेंद्र मोदी या मैदानावर होत आहे. सद्यस्थितीत आतापर्यंत झालेल्या सामन्यात प्रेक्षकांना ५० टक्के क्षमतेने प्रवेश दिला जात आहे. मात्र कोरोना संसर्गाचा वाढता प्रभाव पाहता उर्वरित सामन्यात प्रेक्षकांना प्रवेश दिला जाणार नाही. सोमवारी संध्याकाळी बीसीसीआयने या संदर्भात टि्वट करुन एक पत्रक जाहीर केले आहे. याचदरम्यान, भारत विरुद्ध इंग्लंड यांच्यात सुरु असलेली टी-20 मालिका रद्द न केल्यास आत्महत्या करेल, अशी धमकी गुजरातमधील एका अज्ञात व्यक्तीने चांदखेडा पोलिसांना दिली आहे.
याप्रकरणी अहमदाबादच्या चांदखेडा पोलीस ठाण्यात गुन्हा दाखल करण्यात आला आहे. फोन करणाऱ्या व्यक्तीची ओळख पटली असून पंकज पटेल असे त्याचे नाव आहे. तो गुजरातच्या गांधीनगरमधील रहिवाशी असल्याचे कळत आहे. त्याने वरिष्ठ पोलिस निरीक्षक के.व्ही. पटेल यांना 12 मार्च रोजी ही धमकी दिली होती.
दरम्यान, सोशल मीडियावर व्हायरल झालेल्या रेकॉर्डिंगनुसार, पंकजने पोलिस निरीक्षकास कोविड 19 मार्गदर्शक तत्त्वांचे पालन केले जात आहे की नाही, असा प्रश्न विचारला आहे. तसेच या सामन्यात अंदाजे 75 हजार प्रेक्षक उपस्थिती दर्शवतात. सध्या कोरोनाच्या घटनांमध्ये वाढ होत आहे. महत्वाचे म्हणजे, भारत आणि इंग्लंड यांच्यात सुरु असलेल्या टी-20 मालिकेमुळे रुग्णांच्या संख्येत आणखी भर पडण्याची शक्यता आहे. यामुळे भारत आणि इंग्लंड यांच्यात सुरु असलेली टी-20 मालिका रद्द न केल्यास आत्महत्या करेल, अशी धमकी त्याने पोलीस निरीक्षकास दिली आहे. याप्रकरणी पंकज विरोधात भारतीय दंड संहिता कलम 505 (2), 507, 504 अंतर्गत गुन्हा दाखल करण्यात आला आहे.
महत्वाच्या बातम्या
- तिसऱ्या टी-२० सामन्यात सुर्यकुमारसाठी कोहली बलीदान करेल का?
- आज भारत-इंग्लंड तिसरा टी-20 सामना ; नव्या खेळाडूंवर सर्वांच्या नजरा
- आज इंग्लंडविरुद्ध तिसरी लढत रंगणार ; हिटमॅन रोहित शर्माचं पुनरागमन
- ‘एक सर्वपक्षीय शिष्टमंडळ कर्नाटकचे मुख्यमंत्री व देशाच्या पंतप्रधानांकडे घेऊन जाच’
- ‘मोठे शौर्य गाजविले या भ्रमात त्या कानडी संघटनांनी राहू नये’
