विराटचा फिटनेस फ्रिक कायम ठेवत अनुष्काने गरोदरपणात केले शीर्षासन

मुंबई । अभिनेत्री अनुष्का शर्मा आणि पती विराट कोहली हे सेलिब्रिटी कपल नेहमीच कोणत्या ना कोणत्या कारणांमूळे माध्यमांमध्ये चर्चेत असतं. तर अभिनेत्री अनुष्का गर्भवती आहे. ती आपल्या आरोग्याची खूप काळजी घेत आहे.

यासाठी तिचा पती विराट कोहलीदेखील खूप काळजी घेत आहे. सध्या तो ऑस्ट्रेलियाच्या दौऱ्यावर असला तरी तो बाळंतपणाच्यावेळी तो अनुष्कासोबत असणार आहे. प्रेग्नेंसी काळा दरम्यान देखील हे कपल नेहमीच त्यांच्या ऍक्टिव्हिटीजमुळे चर्चेत राहिले आहे.

भारतीय क्रिकेट संघाचा कर्णधार विराट कोहली आणि बॉलिवूड अभिनेत्री अनुष्का शर्मा जानेवारी 2021 मध्ये आई-बाबा बनणार आहेत. लॉकडाऊन असो वा प्रेग्नन्सी अनुष्काने स्वत:ला फिट ठेवलं.

त्यामुळे ती प्रेग्नन्सीदरम्यान शूटिंग करत होती. केवळ चित्रीकरणच नाही तर अनुष्का प्रेग्नन्सीमध्ये योगासनंही करत आहे. अनुष्काने आपल्या अधिकृत इन्स्टाग्राम अकाऊंटवरुन विराटसोबतचा एक फोटो शेअर केला आहे, ज्यात गर्भवती अनुष्का विराटच्या मदतीने शीर्षासन करताना दिसत आहे.

या फोटो पोस्ट करताना अनुष्काने लिहिलं आहे की, ‘हा व्यायाम सर्वात कठीण होता. जुना फोटो. योगासनं माझ्या आयु्ष्यातील सर्वात महत्त्वाचा भाग आहे. माझ्या डॉक्टरांनी मला सल्ला दिला होता की, प्रेग्नन्सीमध्येही मला सर्व योगासनं करायला हवी. मात्र वाकणारी किंवा वळणारी योगासनं वगळता इतर आसनं मदतीने करता येऊ शकतात.

शीर्षासन जे मी अनेक वर्षांपासून करत आहे, त्यासाठी मी भिंत आणि पतीच्या मदतीने तोल सांभाळून केलं जेणेकरुन अतिरिक्त सुरक्षा मिळावी. हे आसनही योग शिक्षकांच्या देखरेखीतच केलं, जे ऑनलाईन सेशनद्वारे माझ्यासोबत होते. प्रेग्नन्सीमध्येही मी माझी प्रॅक्टिस सुरु ठेवू शकले याचा मला आनंद आहे.”

https://www.instagram.com/p/CIPlweXJ7mw/?utm_source=ig_web_copy_link

महत्वाच्या बातम्या 

• मराठा समाजाच्या आरक्षणाचं नेतृत्व कुठल्याही पक्षाच्या हातात देणार नाही : पाटील
• सावरपाडा एक्सप्रेस, आंतरराष्ट्रीय धावपटू कविता राऊतची नोकरीसाठी राज्यपालांकडे धाव…
• धावत्या कारमध्ये थरार; मध्यप्रदेश मध्ये काँग्रेस आमदारावर प्राणघातक हल्ला !
• ऑनलाइन खरेदीवर मिळणाऱ्या ‘कॅश बॅक’विरोधी अ. भा. व्यापारी महासंघाची तक्रार…
• शिवसेनेतर्फे लहान मुलांसाठी अजान पठण स्पर्धेचं आयोजन; स्पर्धेवरून भाजप-शिवसेनेत वादंग