“राणा दाम्पत्याचे उद्दिष्ट आता…”, महेश तपासेंचे टीकास्त्र

🕒 1 min read

मुंबई : मी अनुसूचित जातीची आहे म्हणून मला भेदभाव करणारी वागणूक देण्यात आली, प्यायला पाणी दिले नाही, वॉशरुम वापरु दिले नाही, असे गंभीर आरोप खासदार नवनीत राणा यांनी मुंबई पोलिसांवर केले होते. याबाबत त्यांनी लोकसभा अध्यक्षांना पत्र देखील लिहिले आहे. तद्पश्चात मुंबई पोलिसांनी पुरावा देत नवनीत राणा यांच्या आरोपांचा भांडाफोड केला आहे. दरम्यान, या मुद्द्यावरून आता राष्ट्रवादी नेते महेश तपासे (Mahesh Tapase) यांनी टीका केली आहे.

यासंदर्भात महेश तपासे यांनी ट्विट केले असून ते म्हणाले आहेत की,‘मागासवर्गीय असल्यामुळे पोलीस स्टेशनमध्ये पाणी सुद्धा दिले जात नाही, असा आरोप खासदार नवनीत राणा यांनी मुंबई पोलिसांवर केला होता. मात्र थोड्या वेळा पूर्वीच एका व्हिडिओमध्ये राणा दाम्पत्य पोलीस स्टेशनच्या आवारात चहा पाण्याचा आस्वाद घेत असल्याचे पाहायला मिळत आहे. खासदार नवनीत राणा यांनी लोकसभा अध्यक्षांकडे मागासवर्गीय असल्यामुळे पाणीही दिले जात नसल्याची तक्रार केली होती. ज्यामध्ये एका प्रकारे जातीयवादाचा आरोप करण्यात आला.’

मागासवर्गीय असल्यामुळे पोलीस स्टेशनमध्ये पाणी सुद्धा दिले जात नाही, असा आरोप खासदार @navneetravirana यांनी मुंबई पोलिसांवर केला होता.@NCPspeaks @mlaravirana_ysp @sanjayp_1 @abpmajhatv @zee24taasnews @TV9Marathi @saamTVnews @JaiMaharashtraN @News18lokmat#navneetrana pic.twitter.com/R47S1NIt9H

— महेश तपासे Maehesh Tapasey (@maheshtapase) April 26, 2022

दरम्यान, पुढे ते म्हणाले की, ‘सोशल मीडियाच्या माध्यमातून सर्वांसमोर आलेल्या या व्हिडीओमुळे राणा दाम्पत्याचे मुंबई पोलिसांना बदनाम करण्याचा एकमेव उद्दिष्ट असल्याचे आता स्पष्ट झाले आहे. त्यामुळे जातीच्या नावावर खोटी तक्रार करणाऱ्या खासदारावर केंद्र शासन किंवा लोकसभा सचिवालय कोणती कारवाई करणार याकडे आमचे लक्ष आहे’, असेही तपासे यावेळी म्हणाले.

महत्वाच्या बातम्या: 

• IPL 2022 : “आम्ही या स्पर्धेत सर्वोत्तम…”, मुंबई इंडियन्सच्या लाजिरवाण्या कामगिरीनंतर रोहित शर्मा झाला भावूक!
• जशास तसं..! नवनीत राणांच्या आरोपांना मुंबई पोलिसांचं ‘चोख’ उत्तर, चहा पितानाचा VIDEO केला ट्वीट!
• IPL 2022 RCB vs RR : बटलरला आवर घालण्यासाठी बंगळुरू सज्ज; वाचा कोणत्या संघाचं पारडं आहे जड!
• “…तर मुंबई सोडून पळून जाल”, निलेश राणेंचा मुख्यमंत्री ठाकरेंना जोरदार टोला
• “मला विक्रम काळे यांची भीतीच वाटते, कारण…”, अजित पवारांनी व्यक्त केले मत