कोरोनाकाळात अंत्यविधीच्या नावाखाली लूट केली तर खबरदार, कृष्णप्रकाश यांचा रोखठोक इशारा

🕒 1 min read

पुणे : राज्यात गेल्या महिन्यापासून कोरोनाबाधितांमध्ये मोठी वाढ झाली आहे. मुंबईत देखील एप्रिलच्या पहिल्या आठवड्यात दररोज दहा हजारांहून अधिक रुग्णांची नोंद करण्यात येत होती. यामुळे, रुग्णालयांमध्ये बेड्स, ऑक्सिजन, औषधे यांचा मोठा तुटवडा निर्माण झाला होता. दरम्यान, आता राज्यात कडक निर्बंधांसह लॉकडाऊन लागू करण्यात आला आहे.

गेल्या काही दिवसांमध्ये या लॉकडाऊनचा सकारात्मक परिणाम दिसून येत असून रुग्ण संख्येत घट होत असून कोरोनामुक्तांचा आकडा वाढत आहे. पुणे शहरात सलग आठव्या दिवशी कोरोनामुक्तांचा आकडा हा कोरोना बाधितांपेक्षा अधिक आहे. तर, नव्या कोरोना रुग्णांच्या आकड्यामध्ये देखील मोठी घट झाली आहे. मात्र अजूनही पुणे आणि पिंपरी चिंचवडमध्ये अनेकांना कोरोनामुळे आपला जीव गमवावा लागत आहे.

यात सगळ्यात संतापजनक बाब म्हणजे कोरोनाच्या काळात रुग्णवाहिका, शववाहिका आणि अंत्यविधीच्या नावाखाली भयंकर लूट सुरु आहे. मासुकीला काळिमा फासणाऱ्या अशा घटना वारंवार समोर येत आहेत. अशात पिंपरी चिंचवडचे पोलिस आयुक्त कृष्णप्रकाश यांनी या नराधमांना रोखठोक इशारा दिला आहे. कोरोनाच्या काळात रुग्णवाहिका, शववाहिका आणि अंत्यविधीच्या नावाखाली लूट केली तर त्यांच्यावर खंडणीचे गुन्हे दाखल केले जाणार असल्याची माहिती कृष्णप्रकाश यांनी दिली आहे. रुग्णवाहिका आणि शववाहिकेचे २५ किलोमीटर साठी ५०० रुपये ते १००० रुपये इतकेच बिल अदा करावे. यापेक्षा एक रुपयाची ही जास्तीची मागणी केली तर थेट त्यांनी पिंपरी चिंचवड पोलिसांशी 9529691966. या क्रमांकावर संपर्क साधावा असं कृष्णप्रकाश यांनी जाहीर केलंय.

महत्वाच्या बातम्या 

• अपूर्ण तयारीमुळे जिल्हाधिकाऱ्यांवर भाजप खासदार, आमदार संतापले
• कोरोनाच्या साथीतही मिळतिये गावकऱ्यांची साथ! कुसळंब येथे उभारले ५१ खाटांचे कोविड केअर सेंटर
• ऑनलाईन‘ परीक्षेपुर्वी ‘मॉकटेस्ट‘ द्यावी लागणार, बुधवारपासून चार दिवस मॉक टेस्ट
• Breaking : सोनिया गांधींचा थोरातांना फोन; महाराष्ट्रातील स्थितीबाबत केली महत्वाची चर्चा
• बीड येथील धक्कादायक प्रकार; रेमेडेसिवीरच्या गैरव्यवहाराबाबत चौकशी का केली नाही म्हणत थेट आत्महत्येचा प्रयत्न