🕒 1 min read
नवी दिल्ली : माजी सलामीवीर आकाश चोप्राने (Aakash Chopra) केएल राहुलचे भर-भरून कौतुक केले आहे. त्याने केएल राहुलचे वर्णन सध्याच्या जागतिक क्रिकेटमधील अष्टपैलू फलंदाज म्हणून केले आहे, जो कोणत्याही फॉरमॅटमध्ये जबरदस्त फलंदाजी करू शकतो. सेंच्युरियन कसोटी सामन्यात केएल राहुलच्या शतकावर आकाश चोप्राने ही प्रतिक्रिया दिली.
दक्षिण आफ्रिकेविरुद्धच्या पहिल्या कसोटी सामन्याच्या पहिल्या डावात केएल राहुलने जबरदस्त शतक झळकावले. तो अजूनही 248 चेंडूत 122 धावा करून नाबाद आहे. केएल राहुल आणि मयंक अग्रवाल यांनी भारतीय संघाला चांगली सुरुवात करून दिली आणि पहिल्या विकेटसाठी 117 धावांची शानदार भागीदारी केली. मयंक अग्रवालनेही ६० धावांची सुरेख खेळी केली.
आकाश चोप्राने त्याच्या यूट्यूब चॅनलवर शेअर केलेल्या व्हिडीओत केएल राहुलच्या जबरदस्त फलंदाजीवर प्रतिक्रिया दिली. तो म्हणाला, अष्टपैलुत्व म्हणजे तुम्ही खेळाडू म्हणून कोणत्याही फॉरमॅटमध्ये खेळू शकता. कसोटी असो, वनडे असो की टी-२०. त्याच्याकडे वेगवेगळ्या शैलीत फलंदाजी करण्याची क्षमता असली पाहिजे. त्याशिवाय, तुम्ही त्याला बॅटिंग ऑर्डरमध्ये कुठेही ठेवू शकता. जेव्हा अशा वैविध्यपूर्ण फलंदाजाचा विचार केला जातो तेव्हा माझ्या मनात एकच नाव येते आणि ते म्हणजे केएल राहुल. माझ्या मते, केएल राहुल सध्याच्या घडीला जागतिक क्रिकेटमधील अष्टपैलू फलंदाज आहे.
महत्त्वाच्या बातम्या
- ‘भारत आणि सनातन संस्कृती या दोघांच्याही आत्म्याला दुखावण्याचा जो प्रयत्न करेल त्याला…’
- ज्या पक्षाने देशात लोकशाही प्रस्थापित केली त्याचे आम्ही वारस आहोत- राहुल गांधी
- “‘ही’ परिस्थिती सरकारच्या नाकर्तेपणाची व महाराष्ट्राच्या दुर्देवाची साक्ष देते”
- देशाचा स्वातंत्र्यलढा, लोकशाहीची स्थापना व राष्ट्र उभारणीत काँग्रेस पक्षाचे मोठे योगदान-अशोक चव्हाण
- आयपीएलच्या पुढील हंगामात ‘हे’ खेळाडू असणार 10 संघांचे कर्णधार!
