बीड : गेल्या १६ दिवसांपासून तुरुंगामध्ये असणाऱ्या करुणा मुंडे यांना आज न्यायालयाने दिलासा दिला आहे. करुणा मुंडे यांना अखेर जामीन मंजूर करण्यात आला आहे. करुणा मुंडे यांच्या जामीन अर्जावरील सुनावणीचा निकाल अंबाजोगाई जिल्हा सत्र न्यायलयाने आज दिला आहे. करुणा शर्मा यांना ५ सप्टेंबरला अटक झाली होती. जवळपास 16 दिवसांनी त्यांची न्यायालयीन कोठडीतून सुटका झाली आहे.
न्यायालयीन कोठडी नंतर दुपारच्या सुमारास करुणा यांना कारागृहातून सोडण्यात आले. बाहेर आल्यानंतर त्यांना पत्रकारांनी प्रश्न विचारला असता, त्यांनी ‘नो कमेंट्स’ असे उत्तर देत बोलण्यास नकार दिला. यानंतर त्या गाडीत बसून निघून गेल्या. करुणा शर्मा प्रकरणाकडे संपूर्ण राज्याचं लक्ष लागलं होतं. शर्मा कारागृहाच्या बाहेर आल्यावर काय बोलणार ? हे पाहण्याची अनेकांना उत्सुकता लागली होती. मात्र आज शर्मा यांनी कारागृहाबाहेर आल्यावर मीडियाच्या प्रश्नाला नो कमेंट्स म्हणत एकप्रकारे बोलण्यास नकार दिला आहे.
गेल्या काही दिवसांपासून सोशल मीडियावर चर्चेत असलेल्या, अनेकांचा भांडाफोडसाठी येत असल्याचे जाहीर करणाऱ्या, सामाजिक न्याय व विशेष सहाय्य मंत्री धनंजय मुंडे यांच्या कथित पत्नी करुणा शर्मा दि. ५ सप्टेंबर रोजी परळीत दाखल झाल्या. दरम्यान, त्यांच्यावरच अॅट्रॉसिटीचा गुन्हा दाखल झाला आणि पोलिसांनी त्यांना अटक केली.
न्यायालयीन कोठडीतून जामीन मिळाल्यानंतर आज त्या तुरुंगातून बाहेर आल्या. पण यानंतर त्यांनी माध्यमांशी संवाद साधणे टाळले. एकवेळ अशी होती की, खास माध्यमांशी संवाद साधण्यासाठी त्या परळीत आल्या होत्या. मात्र, आज स्वत:हून पत्रकार त्यांच्याशी बोलण्यास इच्छूक असताना करुणा यांनी मौन बाळगणे पसंत केले. यावरून करुणा शर्मा नरमल्या असल्याचे दिसून येत आहे.
महत्त्वाच्या बातम्या
- ‘पवारांनी काँग्रेसला सोडले नाही, तर त्यांना बाहेर काढण्यात आले’, आठवलेंनी केला खुलासा
- MPSCच्या विद्यार्थ्यांना दिलेला शब्द अजितदादा पाळणारच; युवासेनेचा ठाम विश्वास
- स्वाभिमानी संभाजी ब्रिगेडच्या माधवराव देवसरकरांविरोधात पदाधिकऱ्याच्या पत्नीचा विनयभंग केल्याचा आरोप
- ‘नीट’ रद्द करण्याचा विचार नाही; सामंत यांचे स्पष्टीकरण
- चित्रा वाघ यांनी जाळले मुख्यमंत्र्यांचे पत्र; म्हणाल्या, हे पत्र म्हणजे महाराष्ट्राचं दुर्दैव
