🕒 1 min read
मुंबई : मागच्या काही दिवसांपासून बॉलिवूड विरुद्ध साऊथ हा वाद चालू आहे. या वादावर आता करण जोहरने देखील स्पष्ट मत व्यक्त केल आहे. करणचा ‘जुग जुग जियो’ हा चित्रपट प्रदर्शनाच्या वाटेवर आहे. या चित्रपटामध्ये कियारा अडवाणी आणि कार्तिक आर्यन यांची मुख्य भूमिका आहे. करणने या चित्रपटाच्या ट्रेलर लॉंचच्या वेळी बॉलिवूड आणि साऊथ चित्रपटच्या वादावर स्वतःचं मत मांडल.
करण म्हणाला की, ‘हिंदी चित्रपटांमध्ये आणि साऊथ चित्रपटांमध्ये कोणत्याच प्रकारची स्पर्धा नाही. ‘बाहुबली’ चित्रपटाची ज्यांनी निर्मिती केली त्या निर्मितीमध्ये माझा देखील सहभाग होता. त्यावेळी मी भाषा नाही तर चित्रपटाची ताकद पहिली आणि त्यावर विश्वास ठेवला. त्यामुळे कोणत्याच प्रकारची स्पर्धा नाही, आपल्याला एकत्र पुढे जायचं आहे.
जुग जुग जियो या चित्रपट ट्रेलरच्या वेळी करणने हिंदी चित्रपटाचा ट्रेलर या शब्दावर जास्त भर दिला. याबद्दल देखील त्याला विचारण्यात आले. त्यावेळी तो म्हणाला, “आरआरआर, पुष्पा, केजीएफ’ हे चित्रपट हिंदीतसुद्धा डब झाले आहेत. त्यांनी देखील बॉक्स ऑफिसवर चांगली कमाई केली आहे. मागच्या काही दिवसांमध्ये प्रदर्शित झालेला गंगुबाई या चित्रपटाने देखील बॉक्स ऑफिसवर चांगली कमाई केली आहे”. अशा स्पष्ट शब्दांमध्ये करण जोहरने आपल मत मांडले.
महत्वाच्या बातम्या :
बातम्यांसाठी YouTube चॅनेल Subscribe करा
Subscribe Now
