मुंबई : एकनाथ शिंदे यांनी भारतीय जनता पार्टीसोबत वेगळी युती करून सरकार स्थापन केलं आहे. तेव्हापासून शिवसेना पक्षातील नेते आणि सत्ताधारी नेत्यांमध्ये आरोप-प्रत्यारोपाची खेळी रंगलेली पाहायला मिळते. अशातच शिवसेना पक्षाचे खासदार विनायक राऊत यांनी राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना काळू-बाळू यांची उपमा देत चांगलंच डिवचलं आहे.
महाराष्ट्र राज्यात सध्या काळू-बाळू यांचा तमाशा सुरू आहे, एक दाढीवाला आणि एक बिनदाढीवाला, असं म्हणत विनायक राऊत यांनी एकनाथ शिंदे आणि देवेंद्र फडणवीस यांना कोपरखळी मारली आहे. एका कार्यकर्मामध्ये उपस्थित कार्यकर्त्यांशी विनायक राऊत बोलत होते.
तसेच, पुढे ते म्हणाले की, बिनदाढीवाल्या मनात आलं की खेचला माइक आणि दाढीवाला पडला उताना. त्याचबरोबर राष्ट्रगीतासाठी कसं उभं राहावं हे ज्याला कळत नाही, असा मुख्यमंत्री महाराष्ट्र राज्याला मिळावा, असं म्हणत विनायक राऊत यांनी एकनाथ शिंदे यांच्यावर निशाणा साधला.
दरम्यान, शिवसेना आणि मनसे पक्ष पुन्हा एकत्र येणार का?, ‘त्यांनी साद घातली तर येऊ देत’ असं वक्तव्य मनसे अध्यक्ष राज ठाकरे यांच्या पत्नी शर्मिला ठाकरे यांच्या या वक्तव्यावरही विनायक राऊतांनी भाष्य केलं आहे. ते म्हणाले की, शिवसेनेकडे अशाप्रकारचा कोणताही प्रस्ताव आलेला नाही. जरी प्रस्ताव आला तरी याबाबत पक्षप्रमुख उध्दव ठाकरे निर्णय घेतील.
महत्वाच्या बातम्या :
- उद्या कोर्टात काय व्हायचं ते होईल, माझा न्यायदेवतेवर विश्वास- उद्धव ठाकरे
- Eknath Shinde | मुंबईवर हल्ला करण्याची कोणी हिम्मत करणार नाही- एकनाथ शिंदे
- Uddhav Thackeray | आमच्याकडेही खोके येत आहेत मात्र आमच्या खोक्यांमध्ये निष्ठा आहे – उद्धव ठाकरे
- Vinayak raut | “महाराष्ट्रातील संपूर्ण वंचित बहुजन आघाडी पक्ष शिवसेनेत येणाच्या मानसिकतेत”; विनायक राऊतांचा दावा
- Swine Flu| ठाणे मध्ये स्वाईन फ्लू आजाराचं थैमान, मृत्यू संख्येतही वाढ
