मुंबई : दादरा नगर हवेली लोकसभा पोटनिवडणुकीत शिवसेनेच्या वाघिणीने बाजी मारली आहे. शिवसेनेच्या उमेदवार कलाबेन डेलकर यांनी तब्बल 51009 मतांनी विजय मिळवला आहे. यावर शंका घेत केंद्रीय मंत्री नारायण राणे यांनी कलाबेन डेलकर या शिवसेनेच्या नाही तर अपक्ष उमेदवार असल्याचं वक्तव्य केलं आणि शिवसेनेचे खासदार संजय राऊतांनी लिहलेल्या अग्रलेखावरुन त्यांच्यावर टीका केली. नारायण राणेंच्या या वक्तव्याला राऊतांनीही पुराव्यानिशी उत्तर दिलं आहे.
देशात विधानसभा आणि लोकसभेच्या पोटनिवडणुका झाल्या. यात एक जागा दादरा-नगर हवेलीची अपक्ष उमेदवाराने जिंकली. शिवसेनेने डंका सुरू केला की राज्याच्या बाहेर आम्ही जिंकलो. मुद्दाम मी त्या उमेदवाराची निशाणी मागवून घेतली. ती फलंदाज बॅट घेऊन उभा असल्याची आहे. पण दुसऱ्यांच्या मुलाचे बारसे करायची सवय शिवसेनेला आहेच. कमला डेलकर निवडून आल्या. त्याबद्दल शिवसेना आम्हाला यश मिळालं, आता दिल्ली काबीज करणार म्हणतायत. लिखान करताना त्या व्यक्तीला भान नसेल. रात्री जे करायचं ते दिवसा केल्यामुळे संजय राऊतांबाबत असा परिणाम होतोय का हे मला माहीत नाही’, असे राणे म्हणाले.
सबसे अलग हुं..
पर गलत नही !!!
……………………
जे सांगतात दादरा नगर हवेली च्या नवनिर्वाचित खासदार कलाबेन देलकर शिवसेनेच्या नाहीत…
त्यांचा हा जळफळाट आहे..
जरा ही भारत निर्वाचन आयोगाची website पहा..
शिवसेना जिंदाबाद!!! pic.twitter.com/c934vQqv0w— Sanjay Raut (@rautsanjay61) November 5, 2021
सबसे अलग हुं..पर गलत नही !!! जे सांगतात दादरा नगर हवेली च्या नवनिर्वाचित खासदार कलाबेन देलकर शिवसेनेच्या नाहीत… त्यांचा हा जळफळाट आहे..जरा ही भारत निर्वाचन आयोगाची website पहा..शिवसेना जिंदाबाद, असं म्हणत राऊतांनी नारायण राणेंना जोरदार चपराक लगावली आहे.
महत्वाच्या बातम्या
- समीर वानखेडेंकडून आर्यन खान ड्रग्ज प्रकरणाचा तपास काढला
- हा तर फक्त लॉलिपॉप; पेट्रोल-डिझेल दरकपातीवर काँग्रेसचं टीकास्त्र
- ‘मुख्यमंत्री माझ्या कानात एक वाक्य बोलले तेव्हाच ठरवलं आता भांडाफोड करायचाच’
- अनिल देशमुखांच्या मुलाचा अटकपूर्व जामीन अर्ज करणार; वकिलांनी दिली माहिती
- कृषी कायद्यांना विरोध करणारे गावातील बेरोजगार दारुडे; भाजप खासदाराचं वादग्रस्त वक्तव्य
