एका कॅलेंडर वर्षात भारताविरुद्ध चार शतक झळकावणारा जो रुट ठरला सहावा खेळाडू

मुंबई : लीड्स कसोटीत टीम इंडियाने दुसऱ्या डावात जोरदार पुनरागमन केले आहे. पहिला डाव ७८ धावांवर अटोपल्यानंतर दुसऱ्या डावात भारताने २ गडी गमावून २१५ धावांची मजल मारली आहे. मात्र अद्यापही टीम इंडिया १३९ धावांनी पिछाडीवर आहे.

लीड्स कसोटीत भारताविरुद्ध शतक झळकावत जो रुटने एका नव्या विक्रमाची नोंद केली आहे. भारताविरुद्ध एकाच वर्षात कसोटीत सर्वाधीक शतके झळकावणाऱ्या खेळाडूंच्या यादीत जो रुटचे नाव पोहोचले आहे. वेस्ट इंडिजचे माजी फलंदाज एव्हर्टन वीक्स, क्लाइव्ह लॉयड, शिवनारायन चंद्रपॉल आणि श्रीलंकेचा माजी खेळाडू अरविंदा डी सिल्वा आणि दक्षिण आफ्रिकेचा माजी फलंदाज हाशिम आमला यांच्या यादीत आता जो रुटने जागा मिळवली आहे.

या सर्व खेळाडूंनी भारताविरुद्ध एकाच कॅलेंडर वर्षात कसोटी सामन्यात चार शतके झळकावली आहेत. यावर्षी इंग्लंडचा संघ भारताच्या दौऱ्यावर आला होता. त्यावेळी चेन्नई कसोटीत जो रुटने २१८ धावांची द्विशतकी खेळी केली होती. त्या मालिकेत जो रुटने ५४.४४ च्या सरासरीने ३६८ धावा केल्या होत्या. तर सध्याच्या मालिकेतील पहिल्या कसोटीत १०९, लॉर्ड्स येथील दुसऱ्या कसोटीत १८० आणि सध्याच्या कसोटीत १२१ धावांची शतकी खेळी केली आहे.

महत्त्वाच्याा बातम्या

• पुण्यातील खेळाडूंच्या सेवेत ‘पुण्यदशम’
• पुजाराच्या झुझांर खेळीमुळे लीड्स कसोटीत टीम इंडियाचे जोरदार पुनरागमन, अद्यापही १३९ धावांनी पिछाडीवर
• ‘भुजबळ, धनंजय मुंडे हे ओबीसी आरक्षणाबाबत तोंडाला डिंक लावून गप्प बसतात’
• जनताच कुंभकर्णासारखी झोपलीये, मी एकटाच कधीपर्यंत लढू? – अण्णा हजारे
• मोठी बातमी : राज्यातील आणखी एका जिल्ह्यात जमावबंदीचे आदेश