श्रीनगर : भारतात कोरोनाची लढाई सुरु असतानाच गेले अनेक महिने भारत-चीन तणावासह जम्मू-काश्मीरमध्ये दहशतवादी कारवाया सुरूच असल्याचे दिसून आले आहे. आज जम्मू-काश्मीरमधील बडगाव जिल्ह्यात दहशतवाद्यांशी झालेल्या चकमकीत एक सीआरपीएफ जवान गंभीर जखमी असल्याचे वृत्त आले होते. यानंतर आता उपचारादरम्यान त्यांची प्राणज्योत मालवली आहे.
दहशतवाद्यांसोबत झालेल्या चकमकीत लढताना महाराष्ट्राचे वीरपुत्र नरेश बडोले यांना वीरमरण आले आहे. तर, दहशतवाद्यांनी त्यांची सर्व्हिस रायफल देखील पळवली आहे. स्थानिक पोलीस अधिकाऱ्याने सांगितले, दहशतवाद्यांनी बडगाम जिल्ह्यातील कॅसरमुल्लामध्ये सीआरपीएफच्या ११७ व्या बटालियनमधील एका जवानावर गोळी झाडली. यानंतर त्यांना तातडीने रुग्णालयात दाखल करण्यात आलं. सद्या हा पूर्ण भाग सील करण्यात आला असून दहशतवाद्यांसाठी शोध मोहीम राबवण्यात येत आहे.
एकाच आठवड्यात महाराष्ट्राचे दुसरे वीरपुत्र शहीद!
नरेश बडोले हे नागपूर येथे राहणारे असून त्यांचे लग्न झाले आहे. त्यांना वीरमरण आल्यानंतर कुटुंबीयांवर मोठा आघात झाला आहे. देशाची सेवा करताना जवानांना आपला जीव गमवावा लागत असल्याने दुःख व्यक्त करत असतानाच दहशतवाद्यांविरोधात संताप व्यक्त केला जात आहे.’
महत्वाच्या बातम्या :
- फुल नहीं चिंगारी है! फ्लाईट लेफ्टनंट शिवांगी सिंह होणार राफेलच्या पहिल्या महिला वैमानिक
- ‘गरिबांच शोषण हेच मोदींचं शासन’; राहुल गांधींचा मोदींना टोला
- अहमदनगरमध्ये कोरोनाचा हाहाकार; काल दिवसभरात १२ मृत्यूसह ९२३ कोरोना बाधित रुग्णांची वाढ
- राहुरी नगरपरिषदेच्या नगराध्यक्ष पदासाठी राज्यमंत्री प्राजक्त तनपुरे कोणाला संधी देणार?
- कंगनाचे कार्यालय तोडण्यासाठी दाखवलेली तत्परता पाण्याच्या निचऱ्यासाठी का नाही दाखवली? भाजप पदाधिकाऱ्याचा सवाल
