पुणे : पूजा चव्हाण प्रकरणात शिवसेनेच्या संजय राठोड यांनी अखेर आपल्या मंत्रिपदाचा राजीनामा द्यावा लागला आहे. आत्महत्या प्रकरणात नाव आल्याने त्यांच्या विरोधात भाजपने तीव्र आंदोलन केले होते. त्यामुळे भाजपच्या दबावाला झुकत राठोडांनी मंत्रिपदावरून पायउतार व्हावे लागले. मात्र, फक्त राजीनामा दिला म्हणून हे प्रकरण थांबणार नाही. पूजा चव्हाणच्या आत्महत्येप्रकरणी पोलिसांनी फौजदारी गुन्हे दाखल करावा, त्यांना शिक्षा व्हावी तरच पूजा चव्हाणला न्याय मिळेल अशी मागणी पुण्यातील भाजप पदाधिकारी डॉ.पुनम राऊत यांनी केली आहे.
पूजा चव्हाण हिच्या मृत्यूला संजय राठोड जबाबदार आहेत. त्यामुळे फक्त राठोड यांच्या राजीनाम्याने चालणार नाही. या प्रकरणाची सखोल चौकशी होणे गरजेचे आहे. याप्रकरणी एफआयआर दाखल करावा लागेल. योग्य तपास केला तरच पूजा चव्हाणची हत्या झाली की आत्महत्या झाली हे समजेल. तसेच मुख्यमंत्र्यांनी या प्रकरणी राठोड यांचा राजीनामा त्वरित स्वीकारावा अशी मागणी पुनम राऊत यांनी केली आहे.
डॉ.पुनम राऊत या भारतीय जनता पक्षाच्या पिंपरी चिंचवड येथील ओबीसी मोर्चा प्रदेश युवती आघाडीच्या संपर्क प्रमुख आहेत. त्यांनी काही दिवसांपूर्वी राऊत मुख्यमंत्र्यांना संजय राठोडवर कारवाई करावी अशी मागणी पत्राद्वारे केली होती. तसेच पूजाच्या आत्महत्या प्रकरणी राजकीय दबावाला बळी न पडता चौकशी करावी अशी मागणी त्यांनी पुणे शहर पोलीस आयुक्त अमिताभ गुप्ता यांना प्रत्यक्ष भेटून केली होती.
महत्त्वाच्या बातम्या
- ‘राजीनामा दिलाय, पण राज्यपालांकडे पाठवू नका’, मुख्यमंत्र्यांसमोर जोडले हात
- ..तर संजय राठोड यांना आमदारकीही सोडायला सांगू-महंत जितेंद्र महाराज
- उल्टी गिनती सुरू! संजय राठोड यांना उद्धव ठाकरेंनी भेट नाकारली
- गैरसोय दूर होणार, अहमदनगर-औरंगाबाद रेल्वे मार्गाच्या सर्वेक्षणाला मंजुरी
- मनसेचा आता परप्रांतीय बोअर वेल्सविरोधात एल्गारकेंद्र सरकार
