🕒 1 min read
मुंबई : ‘मी निर्दोष आहे’ म्हणणाऱ्या शिवसेनेचे वनमंत्री संजय राठोड यांच्या अडचणीत वाढ झाली आहे. राठोड यांच्या पूजा चव्हाण आत्महत्या प्रकरणात सहभाग आणि त्यांच्या राजीनाम्यासाठी होत असलेला दबाव यामुळे शिवसेनेनं संजय राठोड यांच्यावर कारवाईचा निर्णय घेतला आहे. राठोड यांनी मुख्यमंत्री उद्धव ठाकरे यांची भेटीसाठी वेळ मागितली होती. पण उद्धव ठाकरेंनी भेटीसाठी वेळ नाकारली आहे. त्यामुळे संजय राठोड यांना राजीनामा द्यावा लागणार हे स्पष्ट झाले आहे.
मागील काही दिवसांपासून विरोधकांकडून राजीनाम्यासाठी वाढता दबाव पाहता वनमंत्री यांना अधिक काळपदावर ठेवणे धोक्याचे ठरू शकते. यामुळे वनमंत्री राठोड यांनी स्वतः राजीनामा द्यावा असा दबाव सध्या त्यांचा वर असल्याचे चित्र आहे, तर दुसरीकडे सरकारवरील वाढता दबाव लक्षात घेता उद्धव ठाकरे यांनी वेगवेगळ्या यंत्रणांकडून या प्रकरणाचा तपास सुरू केला आहे. आज राज्य मंत्रिमंडळाची महत्वाची बैठक आहे. ही बैठक होण्या आधी राठोड हे उद्धव ठाकरे यांना भेटणार होते. त्यावेळी दोघांमध्ये राजीनाम्यावर चर्चा होईल असे अंदाज होता.
पण मुख्यमंत्री उद्धव ठाकरे यांनी ही भेट नाकारली आहे. त्यामुळे संजय राठोड यांना आता राजीनामा द्यावा लागणार हे स्पष्ट झाले आहे. पुढील काही तासांतच संजय राठोड त्यांचा वनमंत्रिपदाचा राजीनामा देण्याची शक्यता आहे. दरम्यान, शिवसेनेचे खासदार संजय राऊत यांनी छत्रपती शिवाजी महाराज यांचा एक फोटो ट्वीट करून संजय राठोड यांच्यावर कारवाई होणार असे संकेत दिलेत.
महत्त्वाच्या बातम्या
- गैरसोय दूर होणार, अहमदनगर-औरंगाबाद रेल्वे मार्गाच्या सर्वेक्षणाला मंजुरी
- अखेर ठरले! पोहरादेवीला जाण्यापूर्वी संजय राठोड मुख्यमंत्र्यांना भेटणार आणि..
- मनसेचा आता परप्रांतीय बोअर वेल्सविरोधात एल्गारकेंद्र सरकार
- अल्पवयीन मुलीवर अत्याचार करणाऱ्याला जन्मठेप
- धूम स्टाईलने दोन व्यापाऱ्यांना १५ लाखांना लुटले
बातम्यांसाठी YouTube चॅनेल Subscribe करा
Subscribe Now
