‘त्या’ काँग्रेसबरोबर हात मिळवणी करून पेढे वाटताना शिवसेनेला लाज वाटली नाही का?

मुंबई : बेळगाव महापालिकेवर महाराष्ट्र एकीकरण समितीचा भगवा फडकविण्याचे शिवसेनेचे खासदार संजय राऊत यांनी बोलून दाखवलेलं स्वप्न मात्र भंग पावलेले आहे. बेळगावा महानगरपालिकेवर पुन्हा एकदा भाजपने आपला झेंडा फडकाविला आहे. यावर भाजप कार्यकर्त्यांनी पेढे वाटून आनंद व्यक्त केला. मात्र यावरच शिवसेना नेते संजय राऊत यांनी भाजपवर टीका करत खडेबोल सुनावले होते.

एकीकरण समिती मराठी माणसांची प्रातिनिधीक संघटना आहे. या संघटनेचा पराभव झाला म्हणून काही लोक महाराष्ट्रात पेढे वाटत आहेत. मराठी माणूस हरल्यावर पेढे वाटता. लाज वाटत नाही, असा संताप संजय राऊत यांनी व्यक्त केला होता. दरम्यान याच मुद्द्याला धरून आता भाजप आमदार प्रसाद लाड यांनी शिवसेनेला कोंडीत पकडले आहे.

‘बेळगावचा पराभव राऊतांच्या जिव्हारी लागला आहे. पण राऊतांनी बेळगावात मराठीचा नारा देऊन चूक केली आहे. पराभव झाल्यानंतर त्यांना पेढे खाल्याचे आठवलं. मला एकच गोष्ट संजय राऊतांना विचारायचं की, ज्या मराठी माणसाचा आणि हिंदुत्वाचा काँग्रेसने सातत्याने विरोध केला. त्या काँग्रेसबरोबर हात मिळवणी करून पेढे वाटताना त्यांना लाज वाटली नाही का? काँग्रेसशी हात मिळवणून करून त्यांनी हिंदुत्वाचा अपमान केला नाही का?, असा सवाल लाड यांनी उपस्थित केला.

महत्त्वाच्या बातम्या

• कपाटातून चोरीला गेलेले ७ कोटी कुठून आले होते? हेही पवारांनी गवळींना विचारावं – सोमय्या
• आधी भानगडी करणारेच सरकारमध्ये होते, तर ईडी कशाला कारवाई करेल?; भाजपचं पवारांना प्रत्युत्तर
• अण्णासाहेब पाटील महामंडळाला तातडीने १०० कोटी रुपये द्या;  नरेंद्र पाटील यांची मागणी
• ‘मोहन भागवत यांच्या ‘त्या’ वक्तव्यावर शरद पवार म्हणाले..’
• ईडी कुणाच्या मागे कशी लागेल काही सांगता येत नाही – शरद पवार