बंगळुरू : बंगळुरू येथे सुरू असलेल्या आयपीएल मेगा ऑक्शनच्या पहिल्या दिवशी यष्टिरक्षक फलंदाज ईशान किशनवर मोठी बोली लावण्यात आली आहे. ईशान किशनला मुंबई इंडियन्सने १५.२५ कोटी रुपयांना विकत घेतले आहे. आयपीएलच्या इतिहासात पहिल्यांदाच मुंबईने एका खेळाडूवर १० कोटींहून अधिक बोली लावली आहे.
ईशान किशन २०१८ मध्ये ६.४० कोटींना मुंबईला विकला गेला होता. ईशानने मुंबईसाठी अप्रतिम कामगिरी केली आहे.२०२० मध्ये, ईशानने आयपीएलमध्ये ३० सिक्सर मारले होते, जे त्या हंगामात एका फलंदाजाने मारलेले सर्वाधिक सिक्सर होते. मेगा ऑक्शनमध्ये सध्या तो सर्वाधिक महागड्या खेळाडू बनला आहे. युवराजसिंग (१६ कोटी) नंतर ईशान आयपीएल इतिहासातला दुसरा महागडा भारतीय खेळाडू ठरला आहे.
IPL 2021 मध्ये,ईशान किशनने १० सामन्यांमध्ये २४१ धावा केल्या होत्या, ज्यात २ अर्धशतकांचा समावेश आहे. आयपीएल २०२२च्या मेगा ऑक्शनपूर्वी मुंबई इंडियन्सने इशान किशनला रिटेन केले होते. ऋषभ पंत जरी सध्या भारतासाठी कीपरअसला तरी, ईशान किशन नेहमीच एकदिवसीय आणि टी २० मध्ये दुय्यम यष्टीरक्षक म्हणून संघात स्थान मिळवतो. मुंबई इंडियन्स ईशानला दिलखुलास खर्च करत पुन्हा खरेदी केला. ईशानकडे मुंबई भावी कर्णधार म्हणून बघत आहे.
महत्वाच्या बातम्या
- IPL 2022 Auction: शिमरॉन हेटमायरला राजस्थान रॉयल्सने ८.५ कोटींत केले खरेदी
- “…अन् त्याच्या बंदोबस्तासाठी पोलीस दावणीला बांधले”, रुपाली चाकणकरांचा संताप
- राहुल बजाज यांचे निधन
- IPL Auction 2022 : वनिंदू हसरंगा रंगणार बँगलोरच्या रंगात
- नागरी आणि ग्रामीण संस्कृतीमध्ये माणूस आणि प्राण्याचे जीवाभावाचे नाते- अजित पवार
बातम्यांसाठी YouTube चॅनेल Subscribe करा
Subscribe Now
