मुंबई: चेन्नई सुपर किंग्जचा माजी खेळाडू सुरेश रैना आयपीएल २०२२ चा भाग नाहीये. १५ व्या हंगामात त्याला कोणत्याही संघाने विकत घेतले नाही. त्यामुळे रैना आयपीएलमध्ये सध्या एका नव्या रूपात म्हणजे कॉमेंट्री करताना दिसत आहे . पहिला सामना CSK विरुद्ध KKR यांच्यात झाला. सीएसकेसाठी सर्वाधिक धावा करणारा सुरेश रैनाने या सामन्याबाबत टिप्पणी करताना मनातली एक भावनिक इच्छा जाहीर केली.
IPL 2022 चा पहिला सामना चेन्नई सुपर किंग्ज आणि कोलकाता नाईट रायडर्स (CSK vs KKR) यांच्यात खेळला गेला. जडेजाच्या नेतृत्वाखालील संघाला स्पर्धेतील पहिल्याच सामन्यात पराभवाची चव चाखावी लागली होती. सीएसकेचा माजी खेळाडू सुरेश रैनाने स्टार स्पोर्ट्सच्या कार्यक्रमात आपले मनोगत व्यक्त केले. रैनाने स्टार संवादादरम्यान सांगितले की, “मी जेव्हा कार्यक्रमासाठी स्टेडियमच्या दिशेने येत होतो तेव्हा चेन्नई सुपर किंग्जच्या चाहत्यांची संख्या चांगली होती. माझे हॉटेलही स्टेडियमजवळ होते आणि मला पिवळी जर्सी घालून हळूच स्टेडियममध्ये प्रवेश करावा असे वाटले.”
आयपीएल मेगा ऑक्शनमध्ये मध्ये न विकल्या गेलेल्या सुरेश रैनाने नवीन इनिंगला सुरुवात केली. आयपीएलच्या १५व्या हंगामात रैनाने एक्सपर्ट पॅनेलमध्ये कमेंटेटर म्हणून सुरुवात केली. सामन्यापूर्वी तो अधिकृत प्रसारक स्टार स्पोर्ट्सच्या शोमध्ये दिसला. या पॅनलमध्ये सामील झाल्यानंतर, हरभजन सिंग आणि आकाश चोप्रा यांनी सुरेश रैनाचे शोमध्ये स्वागत केले आणि पदार्पण कॅप देखील दिली.
महत्वाच्या बातम्या
- “राष्ट्रवादी नवरा, शिवसेना बायको अन् काँग्रेस वऱ्हाडी”, सुजय विखे पाटलांनी केले ‘मविआ’चे वर्णन
- IPL 2022: उदघाटन सामना सुरु होण्याआधी ‘या’ खेळाडूंना बीसीसीआयने केले सन्मानित!
- “मराठा समाजाला आरक्षण मिळावे पण ओबीसींवर अन्याय नको”- विजय वडेट्टीवार
- IPL 2022: डबल हेडरच्या दुसऱ्या सामन्यात RCBचा संघ PBKS ला भिडणार ; वाचा असा असू शकतो संभाव्य संघ
- केजरीवाल सरकारच्या ‘या’ निर्णयाचे नोबेल विजेते कैलाश सत्यार्थी यांनी केले कौतुक
