IPL 2022: सनरायझर्स हैदराबाद भिडणार राजस्थान रॉयल्सशी; जाणून घ्या कशी आहे खेळपट्टी

पुणे: IPL 2022 चा 5 वा सामना सनरायझर्स हैदराबाद (Sunrisers Hyderabad) आणि राजस्थान रॉयल्स (Rajasthan Royals) यांच्यात आज (२९ मार्च) होणार आहे. दोन्ही संघांमधील हा सामना पुण्यातील एमसीए स्टेडियमवर होणार असून IPL च्या 15 व्या हंगामात दोन्ही संघ आपला पहिला सामना खेळणार आहेत.

यंदाच्या हंगामात आयपीएलमध्ये 10 संघ सहभागी आहेत. लखनौ सुपर जायंट्स आणि गुजरात टायटन्स हे दोन नवीन संघ जोडले गेले. हे सर्व संघ दोन भागात विभागले गेले आहेत. ‘अ’ गटात मुंबई इंडियन्स, केकेआर, राजस्थान रॉयल्स, लखनौ सुपर जायंट्स आणि दिल्ली कॅपिटल्स यांचा समावेश आहे. तर चेन्नई सुपर किंग्ज, आरसीबी, सनरायझर्स हैदराबाद, पंजाब किंग्ज आणि गुजरात टायटन्स यांना ‘ब’ गटात ठेवण्यात आले आहे.

दरम्यान सनरायझर्स हैदराबाद आणि राजस्थान रॉयल्स यांच्यातील सामना पुण्यात सायंकाळी 7.30 वाजल्यापासून रंगणार आहे. संध्याकाळी येथे थंडी असते आणि खेळपट्टीवर बरीच वळणे असते. तरी ही खेळपट्टी फलंदाजांसाठी अनुकूल आहे. सामन्यादरम्यान दव घटक असेल. पुण्यात संध्याकाळी तापमान २५ अंश सेल्सिअस राहण्याचा अंदाज आहे. पुण्याची खेळपट्टीही वानखेडे आणि डीवाय पाटील स्टेडियमसारखी लाल मातीची आहे. 2017 मध्ये रायझिंग पुणे सुपरजायंट्सचे हे घरचे मैदान होते. त्यादरम्यान येथे काही उच्च स्कोअरिंग सामने पाहायला मिळाले. एकूणच या सामन्यात दोन्ही संघांमध्ये चुरशीची स्पर्धा पाहायला मिळणार आहे.

यावेळी राजस्थान रॉयल्सचा संघ खूप मजबूत असून संघात जोस बटलर, देवदत्त पडिकल, संजू सॅमसन आणि शिमरॉन हेटमायरसारखे स्फोटक फलंदाज आहेत. गोलंदाजीत युझवेंद्र चहल, रविचंद्रन अश्विन, ट्रेंट बोल्ट, प्रसिद्ध कृष्णा आणि नवदीप सैनीसारखे चांगले खेळाडू आहेत. तर सनरायझर्स हैदराबादकडेही एकापेक्षा एक सरस खेळाडू आहेत. राहुल त्रिपाठी, निकोलस पूरन आणि केन विल्यमसनसह संघाकडे चांगली फलंदाजी आहे. याशिवाय मार्को जॅनसेन, भुवनेश्वर कुमार, टी नटराजन आणि वॉशिंग्टन सुंदरसारखे चांगले गोलंदाज आहेत. त्यामुळे आजचा सामना चांगलाच रंगणार आहे.

महत्वाच्या बातम्या:

“…पण रोज आदळणाऱ्या महागाईच्या लाटांचे काय?”, संजय राऊतांचा केंद्र सरकारला सवाल

PL 2022 GT vs LSG : हार्दिकसेनेचा विजयारंभ..! रोमहर्षक सामन्यात गुजरातची लखनऊवर ५ गड्यांनी मात!

IPL 2022 GT vs LSG : लखनऊचा मेंटॉर गौतम गंभीरचं सोशल मीडियावर का होतंय कौतुक? वाचा कारण!

IPL 2022 GT vs LSG : हुडा, बदोनीमुळं लखनऊ सावरलं; गुजरातला मिळालं १५९ धावांचं आव्हान!

IPL 2022 : …अन् दीपक हुड्डाची धमाकेदार खेळी बघून कृणाल पंड्याही झाला खूश; वाजवल्या टाळ्या!