मुंबई: मयंक अग्रवाल आयपीएलमध्ये पंजाब किंग्जचे नेतृत्व करताना दिसणार आहे. मयंककडे संघाच्या कर्णधारपदाची जबाबदारी देण्याची ही पहिलीच वेळ आहे. पंजाब किंग्जचा गेल्या वर्षीचा कर्णधार के. एल राहुलने संघ सोडण्याचा निर्णय घेतला होता. अजून स्पर्धा सुरु झाली नाही, मात्र मयंकच्या कर्णधारपदावर सुनील गावस्कर यांनी नाराजी दर्शवली आहे.
सुनील गावस्कर (sunil gavaskar) म्हणाले, “हे त्याच्यासाठी (mayank agrawal) सोपे असणार नाही. पंजाब एक संघ आहे ज्यांनी गेल्या अनेक वर्षांपासून त्यांच्या प्रतिभेला न्याय दिला नाही. कारण आम्हाला माहित नाही. टी-२० फॉरमॅटमध्ये कधी कधी तुम्हाला नशिबाची गरज असते. पण तो असा संघ आहे जो फक्त चांगले होऊ शकतो. त्यामुळेच बाद फेरीत किंवा अंतिम फेरीपर्यंत मजल मारण्याची त्यांच्यात उत्सुकता आहे. आणि कोणास ठाऊक, एकदा ते तिथे पोहोचले की ते कदाचित ट्रॉफी घरी घेऊन जातील.”
आयपीलचा १५वा हंगाम २६ मार्चपासून सुरू होणार आहे. त्याचबरोबर पंजाब किंग्ज २७ मार्चला बंगळुरूविरुद्ध पहिला सामना खेळणार आहे. आयपीएल २०२२ मध्ये पंजाब किंग्स पूर्णपणे नवीन अवतारात दिसणार आहे. यावेळी संघात स्फोटक खेळाडूंचा भरमार आहे. त्यामुळे के एल नंतर मयंक पंजाबला कसे हाताळतो हे पाहणे रंजक ठरेल.
महत्वाच्या बातम्या
- “एमआयएमसोबत उघड अथवा छुपी युती होणार नाही”, संजय राऊतांनी केले स्पष्ट
- अखेर ग्लेन मॅक्सवेल झाला भारताचा जावई; विनी रमनसोबत बांधली लग्नगाठ!
- “शिवसेना आणि एमआयएम कसे एकत्रं येतात ते पाहू” – देवेंद्र फडणवीस
- संभाजी भिडेंच्या वक्तव्यावर इम्तियाज जलील यांचे प्रत्युत्तर; म्हणाले,“अशा लोकांना आपण…”
- कपिल देवसोबत दिग्गजांच्या यादीत बेन स्टोक्सचा समावेश ; नवीन विक्रमाची नोंद
बातम्यांसाठी YouTube चॅनेल Subscribe करा
Subscribe Now
