“एमआयएमसोबत उघड अथवा छुपी युती होणार नाही”, संजय राऊतांनी केले स्पष्ट

मुंबई : एमआयएमचे खासदार इम्तियाज जलील (Imtiaz Jaleel) यांनी महाविकास आघाडीसोबत युतीची तयारी दाखवली. त्यामुळे एमआयएम महाविकास आघाडीत येणार का? या चर्चांना उधाण आले आहे. दरम्यान, याच मुद्द्यावर आता शिवसेना खासदार संजय राऊत (Sanjay Raut) यांनी प्रतिक्रिया दिली आहे. तसेच एमआयएमसोबत उघड अथवा छुपी युती होणार नाही, असेही राऊतांनी स्पष्ट केले आहे.

यासंदर्भात प्रसार माध्यमांशी संवाद साधत असतांना संजय राऊत म्हणाले की,‘शिवसेना, राष्ट्रवादी, काँग्रेस हे पक्ष शिवाजी महाराज, संभाजी महाराजांच्या विचारांचे आहेत. जे औरंगजेबाच्या कबरीसमोर गुडघे टेकतात, ज्यांचा आदर्श औरंगजेब आहे. त्यांच्यासोबत युती शक्य नाही.’

दरम्यान, पुढे ते म्हणाले की, ‘एमआयएमसोबत उघड अथवा छुपी युती होणार नाही. ज्यांच्यासोबत त्यांची छुपी युती आहे, ती युती त्यांना लखलाभ ठरो.’ तसेच राज्यात तीन पक्षांचे सरकार असून त्यात चौथा पक्ष येणार नाही, असेही राऊत यावेळी म्हणाले.

महत्वाच्या बातम्या 

• संभाजी भिडेंच्या वक्तव्यावर इम्तियाज जलील यांचे प्रत्युत्तर; म्हणाले,“अशा लोकांना आपण…”
• “शिवसेना आणि एमआयएम कसे एकत्रं येतात ते पाहू” – देवेंद्र फडणवीस
• IPL 2022: पंजाब किंग्ससोबतच्या भयावह सिजनचा स्टार खेळाडूकडून धक्कादायक खुलासा; म्हणाला…
• “बेवडा कंपनीचे भले केल्यानंतर आता…”, भातखळकरांचा काँग्रेसवर हल्लाबोल
• कपिल देवसोबत दिग्गजांच्या यादीत बेन स्टोक्सचा समावेश ; नवीन विक्रमाची नोंद