IPL 2022 RCB vs SRH : विराट कोहली पुन्हा शून्यावर..! हैदराबादच्या झंझावातासमोर बंगळुरू ६८ धावांवर ऑलआऊट!

मुंबई : जलदगती गोलंदाज मार्को जानसेनचा झंझावाती स्पेल आणि त्याला इतर गोलंदाजांनी दिलेल्या साथीच्या जोरावर सनरायझर्स हैदराबादने रॉयल चॅलेंजर्स बंगळुरूला (RCB vs SRH) फक्त ६८ धावांवर गुंडाळले. आयपीएल २०२२ (IPL 2022) मधील आज डबल हेडरचा दुसरा सामना ब्रेबॉर्न स्टेडियमवर खेळवला जात आहे. या सामन्यात हैदराबादचा कप्तान केन विल्यमसनने नाणेफेक जिंकून प्रथम गोलंदाजीचा निर्णय घेत आरसीबीची दाणादाण उडवली. विराट सलग दुसऱ्यांदा शून्यावर बाद झाला.

बंगळुरुचा डाव

सनरायझर्स हैदराबादचा वेगवान गोलंदाज मार्को जानसेनने धडकी भरवणारा स्पेल टाकत बंगळुरूच्या पहिल्या तीन फलंदाजांना तंबूत पाठवले. जानसेनने बंगळुरूचा कप्तान फाफ डु प्लेसिसचा (५) सुंदर त्रिफळा उडवला. तर विराट कोहली आणि अनुज रावत यांना खातेही खोलू दिले नाही. विराट स्पर्धेत सलग दुसऱ्यांदा गोल्डन डकचा शिकार बनला. त्यानंतर आलेले ग्लेनॅ मॅक्सवेल (१२), सुयश प्रभुदेसाई (१५) आणि शाहबाझ अहमद (७) यांनाही मोठी खेळी करता आली नाही. स्पर्धेत तुफान फॉर्मात खेळणारा दिनेश कार्तिक फिरकीपटू सुचितचा बळी ठरला. त्याला खातेही उघडता आले नाही. टी. नटराजन आणि भुवनेश्वर यांनी आरसीबीच्या शेपटाला जास्त वळवळू दिले नाही. भुवीने मोहम्मद सिराजला बाद करत बंगळुरुचा डाव १६.१ षटकात ६८ धावांवर संपवला. हैदराबादकडून जानसेनने २५ धावांत ३, नटराजनने १० धावांत ३ बळी घेतले. सुचितला २ तर भुवनेश्वर आणि उमरान मलिक यांना प्रत्येकी १ बळी मिळाला.

Virat Kohli has scored 13 runs in 19 balls across his last four innings ????#IPL2022 #RCBvSRH pic.twitter.com/XrLK2NIabx

— ESPNcricinfo (@ESPNcricinfo) April 23, 2022

68 ALL OUT! BHUVI'S FIRST WICKET, courtesy a lovely catch from Kane Mama! ????

— SunRisers Hyderabad (@SunRisers) April 23, 2022

दोन्ही संघांची Playing 11

रॉयल चॅलेंजर्स बंगळुरू – फाफ डु प्लेसिस (कप्तान), अनुज रावत, विराट कोहली, ग्लेन मॅक्सवेल, सुयश प्रभुदेसाई, शाहबाज अहमद, दिनेश कार्तिक (यष्टीरक्षक), वानिंदू हसरंगा, हर्षल पटेल, जोश हेझलवूड, मोहम्मद सिराज.

सनरायझर्स हैदराबाद – अभिषेक शर्मा, केन विल्यमसन (कप्तान), राहुल त्रिपाठी, एडन मार्कराम, निकोलस पूरन (यष्टीरक्षक), शशांक सिंग, जगदीशा सुचित, भुवनेश्वर कुमार, मार्को जानसेन, उमरान मलिक, टी. नटराजन.

महत्त्वाच्या बातम्या –

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com