🕒 1 min read
मुंबई : आयपीएल २०२२मध्ये चांगल्या फॉर्मात खेळमाऱ्या राजस्थान रॉयल्सला बुधवारी मोठा धक्का बसला. संघाचा वेगवान गोलंदाज नॅथन कुल्टर-नाईल आता आयपीएल २०२२च्या उर्वरित हंगामातून बाहेर आहे. या मोसमात तो फक्त एकच सामना खेळला. सनरायझर्स हैदराबाद (SRH) विरुद्धच्या हंगामातील संघाच्या सलामीच्या सामन्यात तो दिसला. यादरम्यान त्याला दुखापत झाली आणि तो मैदानाबाहेर गेला.
राजस्थान रॉयल्स संघाने त्यांच्या ट्विटर हँडलवर याबाबत माहिती दिली. २९ मार्च रोजी पुण्यात झालेल्या सामन्यात ३४ वर्षीय नॅथन कुल्टर-नाईलने हैदराबादविरुद्ध तीन षटके टाकली आणि ४८ धावा दिल्या. त्यालाही यश मिळू शकले नाही. संघाच्या पुढील दोन सामन्यातही तो खेळू शकला नाही आणि आता दुखापतीमुळे त्याला मोसमातून बाहेर राहावे लागले आहे.
संजू सॅमसनच्या नेतृत्वाखाली खेळणाऱ्या रॉयल्स संघाने आयपीएल २०२२ मध्ये आतापर्यंत तीन पैकी दोन सामने जिंकून चांगली सुरुवात केली आहे. त्यांनी त्यांच्या सुरुवातीच्या सामन्यात सनरायझर्स हैदराबादचा ६१ धावांनी पराभव केला, त्यानंतर पाचवेळच्या चॅम्पियन मुंबई इंडियन्सवर २३ धावांनी विजय मिळवला. वानखेडे स्टेडियमवर झालेल्या अखेरच्या सामन्यात राजस्थानचा रॉयल चॅलेंजर्स बंगळुरूकडून ४ विकेट्सने पराभव झाला.
राजस्थान रॉयल्सने नॅथन कुल्टर-नाईलला मेगा ऑक्शनमध्ये २ कोटी रुपयांच्या मूळ किमतीत संघात घेतले होते. फ्रेंचायझीने अद्याप कोणत्याही बदलीची घोषणा केलेली नाही.
महत्त्वाच्या बातम्या –
- IPL 2022 : असं गाणं तुम्ही ऐकलं नसेल..! RCBनं ड्रेसिंग रूममध्ये साजरा केला विजयोत्सव; पाहा VIDEO!
- एस एस राजामौलींच्या चित्रपटाचा लवकरचं ड्रीम क्लब मध्ये प्रवेश
- फ्लॉप फॉर्मशी झगडत असलेल्या विराटला वसीम अक्रमने दिला मोलाचा सल्ला; म्हणाला ‘बॅटिंग स्टाईलमध्ये बदल…’
- IPLच्या चाहत्यांसाठी अत्यंत वाईट बातमी..! ‘या’ देशात लाइव्ह प्रसारण बंद; वाचा नक्की झालं काय?
- INS विक्रांतप्रकरणी संरक्षणमंत्र्यांनी चौकशी करावी; राऊतांच्या आरोपानंतर राष्ट्रवादीची मागणी
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
