🕒 1 min read
मुंबई: आयपीएलचे मेगा ऑक्शन बँगलोर येथे १२ ते १३ फेब्रुवारीला होणार आहे. यासाठी प्रत्येक संघाने चांगले खेळाडू आपल्या सांगत यावे यासाठी प्रयत्न सुरु केले आहेत. याच पार्शवभूमीवर ५ वेळा आयपीएल विजेता संघ मुंबई इंडियन्स संघ ईशान किशनला संघात घेण्यासाठी सर्वतोपरी प्रयत्न करणार असल्याचे भारताचे माजी फलंदाज आणि समालोचक आकाश चोप्रा यांनी म्हटले आहे.
मेगा ऑक्शनसाठी ईशान किशनची मूळ किंमत २ कोटी रुपये आहे. आकाश चोप्रा याने मुंबई ईशानला पुन्हा खरेदी करेल याबाबत सांगितले आहे कि ” ईशान किशनला परत मिळवण्यासाठी मुंबई त्यांच्या पातळीवर सर्वतोपरी प्रयत्न करेल . त्यांना यावेळी जास्त खर्च करावा लागेल पण हो, आतापर्यंत ईशानने त्यांच्यासाठी जी कामगिरी केली आहे त्या तुलनेत ते त्याला संघात घेतील.मुंबईचा अष्टपैलू हार्दिक पंड्या अहमदाबाद टायटन्समध्ये गेला आहे, तर यष्टीरक्षक-फलंदाज क्विंटन डी कॉक आणि ईशान किशन यांना संघात घेतले जाऊ शकते हे लक्षात घेऊन आयपीएल २०२२ मध्ये यश मिळवण्यासाठी मुंबईला वेगळा फॉर्म्युला शोधावा लागेल.”
आयपीएल मेगा ऑक्शनपूर्वी मुंबई इंडियन्सने रोहित शर्मा, जसप्रीत बुमराह, किरॉन पोलार्ड आणि सूर्यकुमार यादव यांना रिटेन केले आहे. १२ आणि १३ फेब्रुवारी रोजी मेगा ऑक्शनचे आयोजन केले गेले आहे. तसेच मूळ स्पर्धा या वर्षी मार्चच्या शेवटी सुरू होईल आणि अंतिम सामना मेमध्ये खेळला जाईल, बीसीसीआयचे सचिव जय शाह यांनी सांगितले आहे.
महत्वाच्या बातम्या
- ‘मोदीजी ‘पीएम केअर फंड’ गेला कुठे?’ राष्ट्रवादीचा सवाल
- शिवप्रेमी नाराज असल्याने घडला प्रकार – नवनीत राणा
- २००८ मध्ये धोनीच्या निवडीबाबत ऑक्शनर रिचर्ड मेडलीने केला खुलासा
- भीमा कोरेगाव प्रकरणी शरद पवारांना साक्षीदार राहण्याचे आदेश
- कर्नाटकातील हिजाब प्रकरणावर प्रियंका गांधींची प्रतिक्रिया; म्हणाल्या, “बिकिनी असो किंवा..”
बातम्यांसाठी YouTube चॅनेल Subscribe करा
Subscribe Now
