अमरावती: राजपेठ उड्डाणपुलावर छत्रपती शिवाजी महाराजांचा अनधिकृत पद्धतीने बसवलेला पुतळा महानगरपालिकेने हटवला. त्याचा राग मानत ठेवत शिवप्रेमी भक्तांनी अमरावतीचे महानगरपालिका आयुक्त प्रवीण अष्टेकर यांच्यावर शाइफेक केली. याप्रकरणी दोन महिलांना अटक केली गेली आहे.
अमरावतीच्या भाजप खासदार नवनीत राणा यांच्या मतदार संघात हा प्रकार घडला. काही दिवसांपूर्वी राणा यांच्या मार्गदर्शनाखाली राजपेठ उड्डाणपूलाजवळ छत्रपती शिवाजी महाराजांचा पुतळा अनधिकृत रित्या बसविला होता. त्यानंतर चार दिवसांपूर्वी महानगरपालिकेने कारवाई करत तो पुतळा तेथून हटवला होता. त्याचे पडसाद या हल्ल्यातून पाहण्यास मिळाले आहेत. मात्र आता या हल्ल्याचा निषेध करत सर्व प्रशासकीय कर्मचारी संपावर जाण्याचा निर्णय घेणार असल्याचे वृत्त एकण्यास मिळते आहे.
खासदार नवनीत राणा यांना या प्रकरणी विचारणा केली असता त्यांनी, हे शिवप्रेमींची भावना दुखावल्याचे पडसाद आहेत असे म्हंटले. हा पुतळा हटवल्यापासून शिवप्रेमी नाराज आहेत. त्यांनी त्यांचा राग अश्या प्रकारे व्यक्त केला. याप्रकरणी आयुक्तांनी उत्तर देणे अपेक्षित आहे असेही राणा यावेळी म्हणाल्या.
महत्वाच्या बातम्या:
- अभाविपचे ‘विद्यापीठ स्वायत्तता बचाव आंदोलन’
- Amaravati : शिवाजी महाराजांचा पुतळा हटवला म्हणून महापालिका आयुक्तांवर शाई फेक
- ‘केंद्रातलंही सरकार आम्ही ताब्यात घेऊ’; नवाब मलिकांचा इशारा
- शरद पवार, दानवे, कोल्हे या नेत्यांची दिल्लीत भेट; चर्चेला उधाण
- राऊतांच्या ‘त्या’ इशाऱ्याला मुनगंटीवारांचे प्रत्युत्तर; म्हणाले, “बाळासाहेबांना अटक करणाऱ्या…”
