🕒 1 min read
पुणे : आयपीएल २०२२ मध्ये मुंबई इंडियन्सच्या खराब कामगिरीची मालिका सतत सुरूच आहे. बुधवारी झालेल्या सामन्यात पंजाब किंग्जविरुद्धही संघाला पराभवाचा सामना करावा लागला. संघाचा या मोसमातील हा पाचवा पराभव आहे. संघाचा पराभव तर झालाच, शिवाय त्यांच्यावर मोठी कारवाईही झाली. स्लो ओव्हर रेटसाठी मुंबई इंडियन्स संघाला मोठा दंड ठोठावण्यात आला.
स्लो ओव्हर रेटसाठी मुंबई इंडियन्स दोषी आढळण्याची या स्पर्धेत दुसरी वेळ आहे. याआधीही संघाने एकदा ही चूक केली आहे. या कारणास्तव यावेळी कर्णधार रोहित शर्माला २४ लाख आणि प्लेइंग इलेव्हनमधील उर्वरित खेळाडूंना सहा लाख किंवा त्यांच्या मॅच फीच्या २५ टक्के दंड ठोठावण्यात आला आहे.
यापूर्वी २७ मार्च रोजी दिल्ली कॅपिटल्सविरुद्धच्या सामन्यानंतरही रोहित शर्मावर स्लो ओव्हर रेटसाठी कारवाई करण्यात आली होती. रोहित शर्मावर १२ लाखांचा दंड ठोठावण्यात आला होता. मुंबईच्या संघाला निर्धारित वेळेत षटक पूर्ण करता आले नाहीत.
असा रंगला सामना…
रोहित शर्माच्या मुंबई इंडियन्सला आयपीएल २०२२मध्ये सलग पाचव्या पराभवाला सामोरे जावे लागले आहे. एमसीए स्टेडियमवर रंगलेल्या रंगतदार सामन्यात पंजाब किंग्जने मुंबईला १२ धावांनी मात दिली. नाणेफेक जिंकलेल्या रोहितने गोलंदाजी स्वीकारली. पंजाबने मुंबईला १९९ धावांचे तगडे आव्हान दिले आहे. शिखर धवन, मयंक अगरवाल यांनी अर्धशतके ठोकत पंजाबला उत्तम सुरुवात करून दिली. प्रत्युत्तरात मुंबईला २० षटकात १८६ धावांपर्यंतच पोहोचता आले. शेवटच्या काही षटकात मुंबईने महत्त्वाचे फलंदाज गमावले आणि पंजाबने सामना हिसकावून घेतला.
महत्त्वाच्या बातम्या –
- “घरगुती मुख्यमंत्री अखेर…” ; सदाभाई खोतांचा मुख्यमंत्री उद्धव ठाकरेंना खोचक टोला
- “अच्छा दिखने के लिये नही,अच्छा बनने के लिये जियो”; संजय राऊत
- IPL 2022 MI vs PBKS : पंजाबकडून मुंबईला पराभवाचा ‘पंच’..! पुण्यात विजयी पताका फडकवण्यात रोहितसेनेला अपयश
- IPL 2022 : काय तो यॉर्कर…भन्नाटच! पंजाबच्या स्टार फलंदाजाची बुमराहनं उडवली दांडी; पाहा VIDEO
- Alia And Ranbir Wedding- करण जोहरने आलिया आणि रणबीरला लग्नाच्या शुभेच्या देत केला ‘हा’ अनोखा व्हिडीओ शेअर
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
