मुंबई : केन विल्यमसनच्या नेतृत्वाखाली सनरायझर्स हैदराबादने मोसमातील सलामीचा सामना गमावला आहे. पुण्यातील महाराष्ट्र क्रिकेट स्टेडियमवर हा सामना खेळवण्यात आला. सामन्यात नाणेफेक जिंकल्यानंतर हैदराबादने क्षेत्ररक्षण करण्याचा निर्णय घेतला होता आणि त्याचा हा निर्णय संजू सॅमसनच्या संघाने चुकीचा ठरवत ६१ धावांच्या मोठ्या फरकाने सामना जिंकला. दुसरीकडे केन विल्यमसनच्या संघाची सुरुवात अत्यंत निराशाजनक झाली आहे. हैदराबादसाठी खालच्या क्रमाने फलंदाजीला आलेले मार्कराम आणि वॉशिंग्टन सुंदर यांनी जोरदार फलंदाजी केली असेल, पण ते संघाला विजय मिळवून देऊ शकले नाहीत.
झालेल्या सामन्यात हैदराबादच्या (SRH) गोलंदाजांनी सुमार कामगिरी केली. पराभवानंतर सामन्याच्या सादरीकरणाबद्दल बोलताना केन विल्यमसन (kane williamson) म्हणाला, “आम्ही गोलंदाजीत चांगली सुरुवात केली. गोलंदाजांना सुरुवातीला स्विंगची मदत मिळत होती. पण, पुढे मार्ग कठीण झाला. पीच चांगली होती, त्यामुळे त्यांना रोखणे अधिक कठीण झाले. आम्हाला काही क्षेत्रात सुधारणा हवी आहे. आमच्या गोलंदाजांनी नो बॉल टाकले, जे आश्चर्यकारक होते कारण ते सहसा खूप शिस्तबद्ध असतात. जर तुम्हाला विकेट मिळाली आणि चेंडू नो बॉल ठरला तर ते आणखी निराशाजनक असते. आपण यावर नियंत्रण ठेवू शकत नाही. “
यावेळी केनने तरुण गोलंदाज उमरान मालिकचे (umran malik) कौतुकही केले , “उमरान मलिक हा एक उत्तम युवा प्रतिभा आहे, ज्याच्याकडे खूप वेग आहे. तो अधिकाधिक चांगला होत राहील. पुढच्या सामन्यापूर्वी आमच्याकडे थोडा वेळ आहे आणि युवा संघ असल्याने आम्हाला खूप सुधारणा कराव्या लागतील. विशेषतः आम्हाला आमची फलंदाजी सुधारावी लागेल.”
महत्वाच्या बातम्या
- IPL 2022: संजू- बटलरच्या खेळीने राजस्थानची विजयी सुरुवात; सामन्यात रचले अनेक रेकॉर्ड्स
- मी आमदार, खासदार जन्माला घालणारा माणूस – सदाभाऊ खोत
- “त्यांना पंतप्रधान करण्याचा ठराव मंजूर करण्यात आला असता तर…”, ‘त्या’ प्रस्तावावरून भातखळकरांचा शरद पवारांना टोला
- शरद पवारांकडे UPA चे अध्यक्षपद देण्याचा प्रस्ताव दिल्लीत मंजूर; राजकारणात मोठ्या घडामोडी
- यंदा बाबासाहेब आंबेडकरांची जयंती उत्साहात होणार साजरी; ठाकरे सरकारचा निर्णय
