मुंबई: आयपीएलमध्ये गुजरात टायटन्स संघात निवडल्या गेलेल्या जेसन रॉयने काही दिवसांपूर्वी स्पर्धेतून माघार घेतली होती. यानंतर आता त्याच्यावर आणखी मोठे संकट कोसळले आहे. रॉयवर इंग्लंड आणि वेल्स क्रिकेट बोर्डाने (ECB) दोन सामन्यांची बंदी घातली आहे. त्याने बायो बबलचा हवाला देत लीगच्या १५ व्या हंगामातून माघार घेतली होती. बंदी लादण्याबरोबरच ईसीबीने रॉयवर २,५०० युरोचा दंडही ठोठावला आहे.
इंग्लंड क्रिकेट बोर्डाने मंगळवारी एक निवेदन जारी करून सांगितले की, रॉयच्या वाईट वर्तनामुळे त्याच्यावर बंदी आणि दंड ठोठावण्यात आला आहे. “क्रिकेट शिस्तपालन समितीने जेसन रॉयच्या विरोधात निकाल दिला. जेसनने (jason roy) आपल्यावरील आरोपांची कबुली दिली आहे की त्याने जे वर्तन केले, ते करायला नको होते. कारण यामुळे क्रिकेट, ईसीबी आणि स्वतःची बदनामी होते. जेसनने ECB च्या निर्देश ३.३ चे उल्लंघन केले आहे.जेसनला इंग्लंडच्या पुढील दोन सामन्यांमधून निलंबित करण्यात आले आहे. ज्यामध्ये तो निवडीसाठी उपलब्ध असेल. परंतु हे त्याच्या वर्तनावर अवलंबून आहे, निलंबन १२ महिन्यांसाठी देखील असू शकते.”
Jason Roy slapped with suspended ban and fined as ECB slam his behaviour in statement https://t.co/fiMsy4r0lz pic.twitter.com/Z0aIouWSHi
— Sun Sport (@SunSport) March 22, 2022
स्फोटक फलंदाज जेसन रॉय आयपीएल २०२२ मध्ये गुजरात टायटन्सकडून खेळणार होता. रॉयला गुजरात संघाने २ कोटी रुपयांना खरेदी केले. पण सलामीवीराने बायो बबलचा हवाला देत १५ व्या सत्रातून आपले नाव मागे घेतले. मात्र ही त्याची माघार घेण्याची पहिली वेळ नाही. याआधीही २०२० च्या हंगामात दिल्ली कॅपिटल्सने त्याला विकत घेतल्यानंतर त्याने माघार घेतली होती. त्यावेळीही त्याने न खेळण्याचा निर्णय घेतला होता.
महत्वाच्या बातम्या
- शिवसेनेतील वाद चव्हाट्यावर! शिवसंपर्क अभियानापूर्वी वर्ध्यातील विश्रामगृहात राडा
- “… सेवा देण्यापूर्वी कंपनीने डिलिव्हरी बॉयच्या सुरक्षेची काळजी घ्यावी”- रोहित पवार
- ‘या’ योजनेअंतर्गत महिलांना मिळणार मोफत शिलाई मशीन! वाचा प्रक्रिया
- मुख्यमंत्र्यांच्या मेहुण्याला ईडीचा मोठा दणका; 6.45 कोटींच्या सपत्तीला लावला टाळा
- IPL 2022 : राजस्थान संघात गेल्यानंतर मलिंगा म्हणतो, “पहिली गोष्ट जी मनात आली ती…”
