“… सेवा देण्यापूर्वी कंपनीने डिलिव्हरी बॉयच्या सुरक्षेची काळजी घ्यावी”- रोहित पवार

🕒 1 min read

मुंबई: ऑनलाईन अन्नपदार्थ पोहचवणारी अग्रगण्य कंपनी ‘झोमॅटो’ने आता केवळ १० मिनिटात डिलिव्हरी पोहचवणार असल्याची घोषणा केली आहे. या आधी सर्वच कंपन्या ३० मिनिटात ही सेवा द्यायच्या परंतु आता फक्त १० मिनटात ही सेवा देणार असल्याची माहिती कंपनीने दिली आहे. यावर राष्ट्रवादी काँग्रेसचे आमदार रोहित पवार यांनी प्रतिक्रिया दिली आहे.

झोमॅटोची १० मिनटात घरपोच डिलिव्हरी सेवा म्हणजे मुलांच्या (डिलिव्हरी बॉय) जीवाशी खेळ आहे. अशी सेवा देण्यापूर्वी कंपनीने डिलिव्हरी बॉयच्या सुरक्षेची पूर्ण काळजी घ्यायला हवी, अश्या आशयाचे ट्विट रोहित पवार यांनी केले आहे. “हे डिलिव्हरी बॉय प्रामुख्याने विद्यार्थी आहेत. आपल्याला अधिकचं इनकम मिळावं आणि त्यातून आपलं शिक्षण मार्गी लागावं या हेतूने ते काम करत असतात. त्यामुळे त्या मुलांच्या सुरक्षेसाठी तुम्ही काय करत आहेत, हे स्पष्ट करावं,” असे रोहित पवार कंपनीला उद्देशून म्हणाले आहेत.

महत्वाच्या बातम्या: