मुंबई: क्रिकेट जगतात सर्वोत्तम फलंदाजांपैकी एक असलेला दक्षिण आफ्रिकेचा माजी क्रिकेटपटू एबी डिव्हिलियर्स आयपीएलमध्ये पुनरागमन करणार आहे. यावेळी त्याची भूमिका वेगळी असणार आहे. रॉयल चॅलेंजर्स बंगळुरूमध्ये त्याला नवी जबाबदारी मिळू शकते, असे बोलले जात आहे. डिव्हिलियर्सने अनेक वर्षे आयपीएलमध्ये आरसीबीचे खेळाडू म्हणून प्रतिनिधित्व केले आहे .
दक्षिण आफ्रिकेच्या क्रिकेट संघाचा माजी कर्णधार एबी डिव्हिलियर्सने (AB De Villiers) आयपीएलच्या शेवटच्या हंगामानंतर सर्व प्रकारच्या क्रिकेटमधून निवृत्ती जाहीर केली होती. यामुळे तो आयपीएलच्या आगामी हंगामात खेळणार नसल्याचे स्पष्ट झाले होते. असे असूनही, डिव्हिलियर्स IPLच्या 15 व्या हंगामात पुन्हा दिसणार आहे. तो लवकरच आरसीबीचा (RCB) मेंटॉर म्हणून आयपीएलमध्ये दिसू शकतो. याबाबत अजूनही कोणती माहिती आरसीबीने दिली नसली तरी चाहते उत्साहित दिसत आहेत.
एबी डिव्हिलियर्सने २००८ मध्ये आयपीएलमध्ये पदार्पण केले. २०१० पर्यंत तो दिल्ली कॅपिटल्सचा (डेअरडेव्हिल्स) भाग होता. यानंतर, २०११ मध्ये, तो रॉयल चॅलेंजर्स बंगळुरूमध्ये सामील झाला. २०२१ पर्यंत तो आरसीबीकडून खेळत राहिला. डिव्हिलियर्सची गणना आयपीएलमधील सर्वात यशस्वी खेळाडूंमध्ये केली जाते. त्याने आयपीएलमध्ये १८४ सामन्यांच्या १७० सामन्यांमध्ये ५१६२ धावा केल्या आहेत. यादरम्यान त्याने तीन शतकांसह ४० अर्धशतके झळकावली आहेत. त्याची आयपीएलमधील सर्वोच्च धावसंख्या नाबाद १३३ होती. आयपीएलमध्ये सर्वाधिक धावा करणारा तो सहावा फलंदाज आहे.
महत्वाच्या बातम्या
- अक्षय कुमारचा नवा स्वॅग चर्चेत..’बच्चन पांडे’ लवकरच प्रेक्षकांच्या भेटीला..
- कापसाचे दर स्थिरावले; कापूस उत्पादकांनो, योग्य निर्णय घेण्याची हीच वेळ!
- “तुम्हें हम भी सताने पर उतर आएं तो क्या होगा?”, संजय राऊतांचे नवे ट्वीट
- IPL 2022: धोनीच्या ‘चेन्नई सुपर किंग्स’चे सुरत मध्ये भव्य स्वागत; चाहत्यांनी केली गर्दी
- मुंबईमधील पुनर्वसन रखडलेल्या झोपडपट्ट्यांसाठी ॲमिनिटी स्कीम; जितेंद्र आव्हाडांची घोषणा
बातम्यांसाठी YouTube चॅनेल Subscribe करा
Subscribe Now
